جويريهـ

جويريهـ @goyryh_5

عضوة نشيطة

أبي رأيكم في الموضوع

الأسرة والمجتمع

السلام عليكم ورحمة الله وبركاته

مرحبا بالكل وخاصة صاحبات التجارب في الزواج والطلاق
وأيضا عادات الناس بالزواج وشروطه، المهم انا ماأعرف اسوي مقدمات شيقة بس يالله
الموضوع مجـرد رأي يعني هي سالفه صارت لأحد الأخوات واستشارتني وانا شرت عليها وابي اقول لكم اللي
حصل :
هذي ياأخوات وحده من صديقاتي القديمات، هي مطلقة ومرتاحه نوعاما ماديا بحياتها بس تبي سند لها
بالدنيا بعد الله تخبرون هالوقت مافيه احد يدري عن احد لاأخو ولا أخت ولاعم ولا قريب حتى عيالها الين كبروا طاروا بجنحانهم وبيخلونها حالهم من حال غيرهم ، المهم ياعزيزاتي ، أنه تقدم لها واحد
(متزوج) وأبو عيال ،ولمن شرطت مؤخر بالمهر قدره 50 ألف ريال الرجال ماعجبه ، وقال لهم
إنه رجال وعند حسن الظن وان كان بيسألون عنه زود يسألون بس شرط المؤخر
رافض المبلغ ولما قالوا ليه ؟
قال كبير جدا تخيلوا يقول عشرة ممكن؛ لأنه مايدري عن الحياة اذا دخل فيها وش يصير
، وأنا بكل وضوح استغربت و من خبرتي بالحياة ، قلت لها بالحرف الواحد لو كان جاد كان
قبل بالخمسين الف وقال بدل الخمسين ثمانين لو تبون ، خصوصا إنه مؤخرمو مهر ، هذا إذا كان جاد
ومو قصده يبي يتسلى كم شهر ويطلق مثل كثير من الحالات اللي نشوفها من المعددين
طبعا البنت مطلقة مرتين من معددين مو مره ياعمري وتقول اسباب طلاقي إنه اول مشكلة تواجه الرجال بحياته أيا كان نوعها ، يضحي بي لأني الأخف والأسهل وحبيت اني اضمن أن الرجال اللي بياخذني يفكر الف مره بحل لمشاكله
بالحياة الزوجية قبل الطلاق ؟
البنت محتارة وأنا بصراحه رأي لها اللي ذكرته لها ومصره على رأيي لأني مجربه المعددين وتساهلهم مع الزواج الثاني والثالث ، وياليت تقومون بطرح ارائكم ، فمنكم نستفيد
وتحياتي للكل وربي يوفق الجميع :26:
15
738

يلزم عليك تسجيل الدخول أولًا لكتابة تعليق.

تسجيل دخول

جويريهـ
جويريهـ
سبحان الله وبحمده سبحان الله العظيم
للرفــع
أم أرجوان الأمورة
خليها تصمم على الخمسين الف لان الرجال اللي يكون واثق انه جااااد ومايفكر في الطلاق راح يوافق
وخاصة انه معدد يعني ممكن يبيعها بسهولة
عشق الوصال
عشق الوصال
الله يكتب لها الخير
جويريهـ
جويريهـ
خليها تصمم على الخمسين الف لان الرجال اللي يكون واثق انه جااااد ومايفكر في الطلاق راح يوافق وخاصة انه معدد يعني ممكن يبيعها بسهولة
خليها تصمم على الخمسين الف لان الرجال اللي يكون واثق انه جااااد ومايفكر في الطلاق راح يوافق...
بارك الله فيك اختي وهذا اللي انا قلت لها
شكرا لك على الرد وحرم الله وجهك عن النار ورزقك ماتتمنين وترجين أميين .
وبانتظار باقي الأخوات.
نوف الشهراني
نوف الشهراني
الاستخااااااره والدعاء والله يكتب لها الخيره