الأباجورات أي لون وش رايكم ياحلوين .

أنا بقولج رايي بصراحه في الستاير.. أنا افضل السادة الساتانات لغرفة النوم احسها انعم وراقية في نفس الوقت .. في نوع ثاني من التشجير اللي يكون مشجر من نفس اللون .. هذا افضلة لغرف الاستقبال لأنه نوعه تقريباً يكون مخمل أو قماش ثقيل .

إذا انتي تفضلين المشجر ممكن تسوين هالفكرة هي مب جديدة ولكن عيبها انه يبيلها تدورين عدل بين الكتلوجات عشان تنسقين.. خلي التاج فوق أو القماشه تكون ساده شيفون والستارة العادية تكون مشجر بس حاولي ما يكون تشجير مليان يكون متفرق عشان ما تبين انها مزحومه لأنها غرفة نوم وكل ماكانت انعم كل ما كان أحلى.. ولأن غرفتج صغيرة أنصحج بالستايل الروماني ومايكون نازل لين تحت عشان ما يضيق عليج المكان.. في ستايلات حلوه للروماني عند سيدار .. تكون القطعه اللي فوق ملفوفه بشكل ناعم ونازله من طرف واحد لييين تحت .. الألوان أقترح انج تحطين لون موف الدرجة بتلقينها عند محلات الأصباغ وتكون متدرجة من الوردي لو بتلاحظين.. حاولي تاخذين من عندهم تدرج الألوان وشوفي الوردي اللي عندج بالغرفه كل ما يغمق يوصل لأي لون وسوي ستارتج منه... القماش المشجر صعب تحديد لون الخلفية فيه لأنه حسب ما بتلقين بس خلي النقوش البارزة فيه أو الطاغيه تكون نفس لون الشيفون اللي فوق.. ومثل ما قلتلج قبل حتى لو دخل معاه ألوان ثانيه مابيضر لأنه بيعطيج تعددية أكثر عشان تقدرين تدخلين أكسسوارات أو مفارش بشكل أكبر وماتتقيدين بلونين !!

اتمنى اكون افدتج ..

الأبجورات خليهم لين تحددين لون الستارة بتتوضح لج الصورة أكثر..

حاولت افهم اللي قلتي عليه بس ما قدرت ز
وش تقصدين بالروماني بالضبط ز
هل اللي نازلة من جهة وحدة
إذا تقدرين تحطين صورة يكون افضل ........
والله يعطيك العافية بتعبك معي ز