أبي رايكم في موضوعي ]

السلام عليكم ورحمه الله وبركاته :
أحوالكم عالم حواء وكيفكم رجعت لكم بعد غيبه بموضوع أي نعم قديم ومفروغ منه بس والله حبيت أتناقش فيه معاكم بصراحه وأرجوا أنكم تكونون مره وحده صادقين مع نفسكم وتفكرون بقليل من الواقع اللي نعيشيه طبعا أكيد راح أواجه بعض الانتقادات وإتهامات بعلمانيه ولبراليه ويمكن وحده تقل أدبها وتقول فلتانه بس مو مشكله نبتدي في الموضوع:
1- أسالكم وجاوبوني بكل صدق كم وحده فيكم ودها تسوق سياره تقضي فيها أغراضها
ورجاء ماأبي وحده تتفلسف علي وتقول حجابي وكرامتي وعزتي الحمدالله كلنا محجبات ومستورات وعندنا عزه بدينا والأمر ماله أي علاقه بقياده السياره.
2- وحده من جاراتي مطلقه وتزوجت واحد ثاني وعندها من الأول 5 بنات الله يحفظهم زوجها الأول رافض يجيب سواق لبناته والثاني يقول أبوهم يصرف عليهم وهي موظفه تدفع أجار الشقه اللي ساكنه فيها هي وبناتها لأن زوجها الثاني في البدايه دفع بعدين قالها ما أقدر غير مصاريف البنات والمدارس اللي ما تخلص وتخاف على بناتها في سن مراهقه لازم توصلهم أول لمدارسهم بعدين تروح دوامها اللي كل يوم تتأخر عليه تعتقدون في حالتها شنو أفضل حل خصوصا أبو البنات متزوج وشال يده من بناته والثاني على جمله وحده ( دبري حالك)
3- اللي تقول خلوه أقولها لأ لأن القياده في الشارع قدام الناس أفضل من خلوتها مع رجال أجنبي الله العالم شنو الحوار اللي يدور بينه وبينها
4- اللي تقول من يصلح لها السياره إذا تعطلت أقول في مصر في نساء ميكانيكيات يصلحون سيارات ويروحون لأي أحد سيارته عطلانه ويصلحونها ليش بديرتنا ما يكون في حريم يصلحون سيارات موشرط سعوديات حتى لو كانوا أجنبيات المهم حريم ومرخص لهم من الدوله وعندهم ورش تصليح سيارات نسائيه
5- تحديد سن القياده ووقت القياده وتكون داخل المدينه فقط
6- التزام المرأه بالحجاب الساتر واللي ما تلتزم تخالف من قبل شرطه نسائيه تابعه لهيئه الأمر بالمعروف والنهي عن المنكر وتمنع من القياده.

هذا موضوعي واللي يعافيكم ما أبي وحده تقول فتن وحوادث أنا مع زوجي وكم مره بغا يسوي فينا حادث من سرعته في القياده واللي تقول معاكسات أقولها قعدي في بيتك ولا تسوقين وين مانروح معاكسات وعلى عينك ياتاجر ربوا بناتكم صح وأولادكم صح والدنيا تصير بخيروصدقوني الدين الأسلامي دين عظيم صالح لكل زمان ومكان وعدم القياده يعود للعادات والتقاليد ولا له علاقه بالدين بالمره
وسلامتكم ردودكم يا حلوات


شكرا لمشرفه القسم العام لأنها سكرت موضوعي مع إنه كان واضح وعقلاني جدا والرجاء من مشرفتنا تقدر موضوعي وماتغلقه وهذا موضوع عام جدا خلونه نناقشه بشويه موضوعيه بدون تعصب وتزمت ناتج عن العادات والتقاليد