السلام عليكم و رحمة الله و بركاته ..

وبعدين يا أختي yasmeen 2003 إنتي غلطانة
في إنك ما تعطيها على راسها !!
( مو ضرب طبعا :| ) !!
ومادام بيت أهلك جنبك أتحملي .. ووديها مع
بنتك كل يوم في الصباح لفترة معينة ألين يتعدل حالها..
وخلي أمك أو أهلك يعطوها على راسها ويعلموها
كيف تنتبه عالبنت ويخلو عيونهم مفتحة عليها ..
ويشوفو تصرفاتها .. ويعلموها أول بأول ..
ولا يسكتو لها عالتصرف الغلط ..
وبالذات لو أمك إللي كلمتها حتخاف وتتعدل ..
ويدققو لها في موضوع الأكل .. والحمام أكرمكم الله ..

وإنتي كلميها وفهميها إنو إنتي جاية عشان
هادي البنت وعشان شغلي أنا .. مو عشان
تروحي تجلسي و تطقي حنك مع الشغالات
التانيين !!
وإنها مالها دخل بالشغل في بيوت الناس حتى
لو بيت أهلك .. ووظيفتها لما تخرجو من البيت
هي الإهتمام بالبنت 100% ومالها شغل بأي
شي تاني !!

وخليكي وراها و أقلقي راحتها وفتحي عيونك عليها..
ومن يوم ما تروحي لبيت أهل زوجك خليها قدامك ..
لاتروح تجلس في المطبخ أو الغرفة مع الشغالات
التانيين .. خليها قدام عينك ..
يعني خلي البنت تسلم على أهل أبوها و يلعبوها شوية
وبعدين قولي لها روحي معاها لعبيها وأنتبهي عليها ..
حتى لو في أطفال تانيين بيلعبو تكون معاهم طول الوقت
وعينها عالبنت .. خصوصا لو بيلعبو في حوش ولا سطوح !!
وكل شوية روحي أتطمني عليها ..
وفهميها إنو إنتي مو مهملة وإنك مفتحة عيونك عليها ..

ووقت الأكل يا إما إنتي تأكلي البنت بنفسك
( وهادا أفضل ) .. أو تغرفي للبنت صحنها
وتعطيها هو و تقولي لها أكليها !!
لكن لا تعتمدي عليها في الأكل ألين تتعود ..
ولما تعطيها الأكل راقبيها كيف تأكلها ..

وفي الحمام علميها كيف تغسل لها ..
وبعدين راقبيها .. ولما تغسل لها روحي
وشوفي هي بتغسل نظيف ولا لا ..
عشان كمان ياحرام البنت لا تتسلخ :( ..

ولو هي مسلمة ..
خوفيها من ربنا ..
وقوليلها هادي زي بنتك ..
إنتي ترضي على بنتك كدة !!
وقوليلها هادي أنا بأسيبها أمانة في يدك
وفي رقبتك .. وإللي أنا ماشوفته ربنا سبحانه
وتعالى شايفك .. وحيحاسبك عالشي إللي بتسويه ..
وأنا وكلت أمري لله فيكي وربنا بيشوفك ويعرف أيش
بتسوي حتى لو أنا ماشوفتك ولا دريت عنك !!

وسوي لها جدول يومي ..
أنا كان عندي شغالة زي كدة ..
تشوفني ما أتكلم .. سارت تطنش ..
وإهمال ووساخة .. قلت الوضع ما ينسكت عليه ..
جيت يوم وقلت لها جيبي ورقة وقلم وتعالي ..
وجبت لها ساعة منبه ( عشان مايكون لها عذر ) ..
وأعطيتها جدول ..
متى تنام .. ومتى تصحى ..
وطبعا أعطيها وقت نوم كفاية من 12 اللليل
لـ8 الصبح .. وأحيانا تتمدد لـ9 .. بس مو أقل
من 6 - 8 ساعات ..
وأهم شي الإستحمام اليومي ..
وتغيير الملابس بشكل يومي ..
خصوصا إنها بتشيل بنتك طول الوقت !!
لأنهم لو ماتقوليلهم ياخدو وجه ومايستحمو ولا
يغيرو ملابسهم و يسوو بيتك فواحة عرق !!
أستغفر الله العظيم يارب :( ..
الحمدلله الذي عافانا مما إبتلى به كثيرا من خلقه
وفضلنا تفضيلا ..
وأيش العمل اليومي إللي مطلوب منها ..
وكيف تسوي شغلات معينة في البيت ..
وكيف تغسل .. وكيف تكوي ..
وأيش حدودها والخطوط الحمراء إللي ماتتعداها ..
ولما تخرج معايا كيف تتصرف ..
و إلخ إلخ إلخ .....
والله من بعدها مشيت زي العسكري ..
وما أشتكيت منها ألين سافرت ..

وإذا ما مشيت معاكي مزبوط و أتعدلت ..
هدديها بالمكتب ( مكتب الإستقدام يخافو منه :23: ) ..
ووديها المكتب ..
وقوليلهم إنها ماهي راضية تشتغـل مزبوط
وماهي راضية تسوي واجباتها .. وما تسمع الكلام ..
وما عندها ضمير وما تنتبه عالبنت ..
وأنا مخلية بنتي أمانة في رقبتها ..
ولو سار في بنتي شي بسببها ما راح أسيبها ..
وقولي لهم على أكتر شي مضايقك منها ..

والمكتب يفهموها بلغتها و يهددوها و يقولو لها
كل شي إنتي تبغيه .. عشان لا يكون لها حجة إنها
مافهمت كلامك !! وتستهبل لك !!

وجيبي لها كتب بلغتها من المكتبة عن الأمانة
والعمل .. والأشياء الإسلامية ..
منه تكسبي أجرها :) ..
ومنه تتعلم ويمكن يصحى ضميرها !!
أنا سويت زي كدة ..
جبت الكتب إللي فيها عن العمل والدين
وأخلاق المسلم وإتقان العمل وغيرها كتير ..
والحمدلله كان لها نتيجة معاها ..
ولما سافرت أخدتها كلها معاها :) ..

والله يعينك و يوفقك يا أختي ..
ويهديلك شغالتك .. ويحمي بنوتتك :) ..

تحياتي ..
جــــــــداويــــــــــــة

مشكوره مشكوره حبيبتي جداويه تعبتج معاي وماتقصرين على كل إلي كتبتيه لي والله يوفجج ويبعد عنج كل ضر أنتي وكل إللي تحبينهم والله يرجع أمج وأبوج لبعض ويهدي سرهم.

السلام عليكم و رحمة الله و بركاته ..

أبلة عطيات الله يبارك لك في شغالتك ..
ويعطيكي خيرها و يكفيكي شرها :) ..

بس يا خوفي تكون بتطبخ لنفسها زي إللي
كانت عندي .. ويوم تكفشيها تقول للأولاد :23: !!
أستغفر الله العظيم من ذنبها :) ..

وأنا إللي كانت عندي لا عزة نفس ولا بطيخ !!
إلا فيها كل قلة الحياء إللي في الدنيا !!
وفوق كدة كأنها هي صاحبة البيت و إحنا
الشغالين عندها !!

ولا تستحي ولا تحشم الجالسين !!
و يوم يكون زوجي جالس أو أبويا بالذات
أو أي أحد تاني .. ما تلاقيها غير تدخل وتخرج
على كيفها !!
ولو الباب مقفول تفتحه !!
يعني تبغا تتفرج وتسمع الكلام !!

وغير كدة طول ماهي تشتغل ولا تشيل أي شي
خصوصا لو فيه أحد جالس
ما غير آه آه
و آح
و آه آه آآآآآآآآح
وأصوات عجيبة :07: !!!!
ماتدري عنها أيش تبغا !!!!
في يوم عصبت :30: قلت لها
إنتي أيش عندك أح أح !!

والله ما أدري أنا قرفت منهم هادا الجنس ..
وإحنا جربنا كل أجناس الشغالات بس زي
وقاحة الحبشيات ما شوفت !!

وبرضو أرجع و أقول هي مسألة حظوظ :) ..

والله لا يحوجنا لهم يااااارب ..
( ياريت نقدر نستغنى عنهم وننظف بيوتنا وبلدنا
منهم ومن شرهم :( ) بس هم شر لابد منه :( ..
الله يقدرنا ولا يحوجنا لهم يااااااااااااارب ..


تحياتي ..
جــــــــداويــــــــــــة

أبله عطيات مشكوره على إللي كتبتيه وكلامج بالضبط نفس الكلام إللي قالته صديقتي عنهم إنهم مؤدبات ويحبون الأطفال.

السلام عليكم و رحمة الله و بركاته ..

اللللللللللللللللللللللللله
يا yasmeen 2003 دعواتك أحلى شي سمعته
من زمااااااااااااااااااان :) ..

الله يستجيب لك و يسمع منك يااااااااارب ..
آمين .. آمين .. آمين .. يااااارب العالمين ..
آمـــــــــــيـــــــــــــــــــــــــن

تحياتي ..
جــــــــداويــــــــــــة