لقيت روحيy @lkyt_rohyy

محررة

أبي شوركم حبيباتي قبل أنفذ اللي في بالي / تم الرد + غير خاص بالقسم

اسعد الله مسائكنغالياتي بكل خير
اسأل الله أن يجمعني واياكن في مقعد صدق عند مليك مقتدر

ادخل بموضوعي......
عندي بنوته عمرها سنه وشهرين يوم ولدتها شعرها ناعم وسااايح وكثير كانها فلبينيه بسم الله عليها فرحت فيها وماحلقتلها وانا نفاس بس حاليا كلما كبرت لاحظت خف شعرها كثير
لازال ناعم ماشاء الله بس الشعره احسها صارت اقوى من اول واطرافها بها لفه خفيفه
قصيتلها تقريبا 4مرات بالمقص
والحين ناويه احلق لها صفر قلت يمكن لاحلقت لها يكثر
امي حلقتلي وهي بالنفاس وماشاء الله شعري روووعه طول ونعومه وكثافه
وابوها ناعم وكثيف...
الحين!!

وش رايكم حبيباتي هل الحلق بيفيدها الحق عليها قبل تكبر زياده؟!
واللي عندها حل او تجربه لاتحرمني الله لايحرمكم عفوه ومغفرته
والله في عون العبد مادام العبد في عون اخيه

هذا الموضوع مغلق.

كذا بس • 8 سنوات

والله من تجربة الحلق بالموس يخشن الشعر بس يكثر بس تندمت قد شعر راسي اني حلقت لبنتي

أم تميم وسلطان • 8 سنوات

لا يأختي بتندمين والله ومابيطلع بسرعه ويمكن يطّلع خشن مب ناعم نفس شعر البطن

@ أم وئام @ • 8 سنوات

بالعكس الحلاقه تطلع الشعر احلى واكثف من شعر البطن بنتي كان شعرها خفيف جداً صلعتها باينه حلقت لها وعمر اسبوع بالموس وكنت ازيت رأسها على طول بزيت السمسم ومرات زيت الزيتون وطلع ماشاء الله ناعم وكثيف الحين بنتي عمرها 8 سنين وماشاء الله شعرها طويل وكثير وناعم ومازلت اهتم فيه ازيت لها دائماً بزيت جوز الهند عضوي واحياناً زيت الأركان واحياناً زيت اللوز الحلو واروشها بشامبو غارنييه الترادو
انصحك تحلقي لها بالموس وتهتمي بها من صغرها ولابتندمي

مرجانة في البحر • 8 سنوات

هو لازم شعر البطن يطيح اذا ماحلقتي لها في النفاس
ويمكن كان شعرها سايح في الشتاء
واللفات تطلع في الصيف ومع العرق
انا عيالي كلهم احلق لهم في السابع اولاد وبنات
بس اذا انتي الحين عندكم شتاء لا تحلقي لها الان حرام برد عليها لما يجي الصيف ان شاء الله

fatoomah123 • 8 سنوات

والله يااختي ماانصحك فيه ابد اختي ماشاء الله عندها 3 بنات حالقه لأول وحده وطلع شعرها روعه وجميل وحلقت للثانيه وطلع كثيف بس مره مره مجعد كانها شمس واخر بنت بعد طلع شعرها مجعد مره بعد الحلاقه حتي اختي تندمت وقالت الحين الثنتين يبي لهم تمليس ودايم الصغيره تبكي تقول ليه شعر اختي ناعم وانا شعري كاني شمس احسها تعقدت وبنتك الشعر يي ملفلف شي طبيعي لانها لسه صغيره وتنام عليه اذا ماعندك مشكله يطلع شعرها مجعد عادي احلقيها