أبي طريقة بليله بس ابيها تكون لذيذه لكميه كبيرة

اهلين اختي يسعدني اكون اول رد :
البليله سهله مررره اول شي لازم تنقعينها من الليل في الثلاجه انتي كميتك كثيره حطي ثلاث اكياس او اكثر طبعاً تكونين غاسلتها قبل النقع بعدين اذا صحيتي الصبح حطي عليها ملعقة بكنج بودرساعه تقريباً وارجعي اغسليها الين تروح ريحتها بعدين جيبي القدر الكاتم اللي هو قدر الضغط وحطيها فيه مع مويه حاره وملح وخليها عالنار نص ساعه مو اكثر واذا فتحتي وشفتيها خلصت طفي النار وجهزي حافضه كبيره وحطيها فيها .. اذا ملحها تمام يكفي بعدين جهزي ( خــل اســود _ كــمون _ خيار وجزر مبشورين مع بعض ) شطه حسب الرغبه .. تقدرين تحطين الخل الاسود عليها وهي في الحافظه ..
وصحه وعافيه عليك ..
ادعي لي بالزوج الصالح ..

ديمو الله يجزاك خير افدتيني
لي عوده عشان اخذ الطريقه بالضبط

يارب ياديمو ربي يرزقك بالزوج الصالح اللي يسعدك ويهنيك ولايفرق بينكم وتعيشون بسعاده وتملون بيتكم بنين وبنات صالحين ياكريم الف شكر لك
بس الخل الاسود معقول يكون حلو اممم يارب بجربها على العموم نفس الطريقة