أبي طريقة كب كيك شوكولاته سهله؟

الكب كيك انا اعمله بخليط كيك الشكولاته الجاهز واصبه في قوالب الكب كيك وقبلها يكون الفرن شغال على حراره وسط مدة ١٠ دقايق
اما البيتزا
بعجينة العشر دقايق اللي هي
كوبين ماء دافي
نص كوب زيت
ثلاثه ملاعق حليب بودره
رشة سكر
ملعقة خميره فوريه
اخلطها واتركها عشره د وبعدها اضيف اربع اكواب دقيق منخول مع ملعقة بيكنج بودر ورشة ملح واعجنها واتركها ترتاح ساعه واسوي منها البيتزا وخلية النحل والفطاير
وصلصة البيتزا تقدري تعملي كميه وتوزعيها باكياس او علب وتفرزنيها بالفريزر مو التلاجه لوقت الاستخدام كل علبه لاستخدام واحد فقط

اذا ذابحك العجز
وماتحبين الحوسه
خذي عجين من اي مخبز صامولي
قولي عطني ب٥ ريال عجين
والكيك الخليط بالبقاله ب٧ريال أنواع
حتى لو مجنون اوك متوفي دماغيا بيضبط معاه

كب كيك الشوكلاته الطريقه مثل طريقة الكيك العادي


بالخلاط :

3 بيض بحرارة المطبخ + ثلاث ارباع كاس سكر + ملعقه متوسطه خل ابيض

اضربيهم بالخلاط الى ان يتغير لونه الى فاتح

ثم اضيفي له نص كاس زيت + 1 كاس حليب سائل او اخلطي زبادي وحليب او زبادي ومويه واخفقيهم كويس

ثم جهزي المكونات الجافه وانخليهم ( 2 كاس طحين + 4 ملاعق كبيره كاكاو بودره + نصف ملعقه نسكافيه + ربع ملعقه صغيره ملح + 1 ملعقه كبيره بيكنج باودر + نصف ملعقه صغيره بيكنج صودا اختياري ممكن تستغنين عنه )

واضيفيهم بالتدريج للخليط السائل واخفقي الى ان يصير عندك خليط كيك

طبعاً تقدرين تقللين السكر الى نص كوب كذلك الزيت الى ربع كوب وتقدرين تزيدين مويه اذا لاحظتي الخليط سميك

الفرن سخنيه قبل الاستخدام بـ 10 دقايق على حرارة 180 درجه

ولا تحطين قوالب الكب كيك مره تحت عند النار والحراره مباشره .. خليه بالشبك الثاني

ويادوب 15 إلى 20 دقيقه بالفرن ثم شيكي عليه بعود اسنان او سكين لانه بسرعه يستوي

دوري في قسم الطبخ بتلقين وصفات كثيره اخذي الي يناسبك