أبي عجينة الفطاير تختمر بسرعه

مالك الا عجينة العشر دقايق بسرعه تختمر غير كذا قطنيه وهشه

همس المطر
قصدك أن العجينة بس تأخذ عشر دقائق تختمر مو ساعه؟
وش مقاديرها ؟

هذي عجينة العشر دقايق


2 كاس ونص طحين ابيض
1 ملعقه كبيره سكر

1ملعقه كبيره خميره
2 ملعقه حليب بودره
2 ملعقه صغيره بيكنج باودر

ربع كوب زيت

رشة ملح
1 كاس وربع ماء دافي



الطريقة

اضيفي بالعجانه او زبدية عميقه للعجن هذي المكونات
1 كاس وربع ماء دافي وانتبهي لا يكون ساخن او مغلي لانه يخرب الخميره .
1 ملعقه كبيرة خميرة
1 ملعقة كبيره سكر
1 كاس طحين
اعجنيهم مع بعض بحيث تكون العجينه سائله وتلصق

غطيها وحطيها بمكان دافي لمدة 10 دقايق بعد 10 دقايق تلاحظين ان الخليط تضاعف حجمه

خذي اللي بقى من الطحين اخلطي معه البيكنج باودر ورشة ملح والحليب البودره واضيفيه للخليط مع الزيت واعجنيه الى ان تصير متماسكه وطريه ماتكون خشنه كثير

غطيها 10 دقايق مره ثانيه بمكان دافي ثم استخدميها



وبخصوص موضوع التخمير بشكل عام هو اهم شي يكون المكان دافي بعيد عن المكيف والهواء يعني البلدان البارده او بفصل الشتاء البعض يسخن الفرن خفيف جداً ثم تتقفل النار ويحطون بداخلة زبدية العجين المغطيه عشان يختمر ويتفاعل اسرع لانه كل مابرد الجو كل ماصار تفاعل الخميره بطيء

فعلاً بس ربع ساعه او بالكثير عشرين دقيقه وخلصت وفعلاً هشه عجينة العشر دقائق

يعطيك العافيه