هلالالالالا أختي لينا ..

شوفي يالغالية ..

أعرف لك فيلا دبلوكس شرحه وحلوة .. ومعروضة للبيع ..

قريبة من عندنا .. الحي جدا راقي وما عليه كلام .. عند مخطط الراجحي الجديد .. يعني قريب من

مسجد الراجحي الجديد على الدائري الشرقي ..

بوصف لك أياها .. أن ناسبتك كان بها .. وأن ما ناسبتك .. ما خسرنا حاجة ..

الدور الأرضي .. مجلس رجال .. ومقلط .. وصالة مفتوحة على الدور الثاني .. ومجلس نساء ومطبخ ..

وكلهم مساحتهم تقريبا 4*5 أو 5*6 .. ما عدا مجلس النساء .. كأنه صغير حبتين ..

ودورتين مياه أرضي ..

الدور الثاني .. عبارة عن قسمين .. كل قسم غرفتين ودورة مياه ..وبالوسط ممر يطل على الصالة تحت..

طبعا عندك سطح بغرفة للشغالة ودورة مياه ..

وحوش معقول .. بمدخلين نسائي ورجالي .. وكراج سيارة ..

تتشطيب البيت حلو .. وتقريبا البيت له أربع سنوات أو خمس سكن لعائلة صغيرة ..

وبالنسبة لحد البيت .. بصراحة ما عندي فكرة .. لكن أغلب البيوت اللي قريبة منه بحدود ستمية ألى

سبعمية ألف .. هاااااااااه .. شكلي أصلح عقارية ..

عموما يالغالية .. أنا سبق ودخلت البيت علشان كذا وصفته لك .. كمان أنا توني عارفة أنه معروض

للبيع .. بسبب نقل العائل اللي فيه لمنطقة ثانية ..

اذا حبيتي تشوفينه .. أو أحد غيرك .. راسليني على الخاص .. حتى أوصف لك محله .. أو على الأقل ..

أعطيك رقم صاحب العقار .. حتى تكلمونه .. وتاخذون منه تفاصيل أكثر ..

ولا تنسون الخاص .. تراني أنسى أحيانا أشيك على المواضيع ..

والله يوفق الجميع ..

خلوقة الغالية
تسلمين يالغالية اهم شي البيت طلع حلو وبكيفه الملك راحة


جوري
تسلمي لي والله وانتي مبققه عيونك قزي لي معاك اذا حصلتي شي علميني
سبحان الله على كثر ماادخل بيوت ما الله كتب لنا شي الى الآن


*_*
بصراحه مدري وش اناديك ابقولك عند حمولتي خخخخخخخخخخخخ
ياقلبي شكرا عالوصف بس تبين الجد انا ودي ابعد عن الشرق لاني الان بالشرق وزوجي شغله بالشمال وكل مشاوري انا بعد بالشمال فودي استقر والف شكر يالغالية ماقصرتي

لينا امس في الرياض اعلان عن بيع فلتين في الخزامى
الفلل جديدة ومساحة الوحدة 550
والسعر 770,000

شالي اعطيني الارقام لو سمحتي بليززززززززززز

uuuuuuuuuuuuuuupppppppppppppp