أبي لقيمات مقاديرها تكفي لشخصين فقط

انا لقيماتي

اضع ملعقة خميرة وملعقة سكر وشوي ملح وملعقتين حليب بودر

وملعقة زيت واخلطهم مع بعض وبعدين اجيب حليب طازج مقدار كاس وبعدها اضع الدقيق حتى تتكون لدي عجينة شبة سائله

والمقدار يطلع قليل يعني تكفي ممكن اربع اشخاص

اتمنى اكون افدتك

شجون بريدة
جوزيتي خيراا
انا المقادير اللي اعملها تكفي لأربع اشخاص
بس المشكلة ان زوجي بياكل بالكثير 3 حبات و انا 4 حبات!! يعني بالأصح لو عندكم مقادير تكفي لشخص واحد عطوني هههه
و على فكرة انا ما يضبط معي قوام العجين لان اغلب الطرق تعطيكي المقادير السائلة و انتي الباقي عليكي تتحكمي في كمية الطحين و انا هنا مشكلتي ما أعرف
علشان كذا ابي مقادير تكفي شخص أو شخصين و و تكون كمية الطحين موضحة أدري بتقولون تتشرط بس لأني يأست

وعليكم السلام ورحمة الله وبركاته
لقيمات
********
بالخلاط حطي 4ملاعق حليب بودره
ملعقة زيت
ربع ملعقه ملح ناعم
ربع ملعقه كسترد
شوي هيل ناعم
حبة بيض وتكون بحراره المطبخ(غير بارده)
كاس ماء دافىء
بعد الخلط الدقيق حسب العجينه الخاصه بالقيمات(مثل ماتعجنينها بالعاده وتقدرين تشكلينها
وتترك حتى تخمر واذا تحبين السميره حطي فيها لها نكهه حلوه
وبعد ماتخمر اقليها بالزيت ورشي عليها الشيره البارده او العسل او سكر بودره وهذا يرجع لذوقك
ولا ترشينها الا وقت الاكل حتى ما تلين وتكون شبه مطاطيه
واتمنى اذا جربتيها ان تردين لنا وتعطيننا وبصراحه(اذا عجبتك او لا مع العلم انها ممتازه)

انا بحاول اجتهد واعطيك مقادير بس مازبطت مالي شغل خخخخخخخخخخخخخخخخخ
لاني اسوي كاس دقيق واذا زاد ممكن اعطي جارتي
انتي حطي نص كوب دقيق -نص م ص خميرة فوريه -م ص كاستر-م ص حليب بودر -رشة ملح -رشة سكر -رشة فانيليا
نص كوب مويه دافي اخلطيها زيييييييييييييييييييييييييييييييييييييين
خليها تخمر اقل شي ساعة
اذا جيتي تقلينها حركيها ثم شيلي بالملعقه واقلي بالزيت الساخن الغزير وعشان تستوي لازم تكون النار هاديه وتقلبين على طول الين تحمر وبس

أشكر كل من رد علي و تفضل بإعطائي الطريقة و المقادير با رك الله فيكم

شكر خاص للأخت شلونكم
صراحة اليوم عملتها بحذافيرها و كفت و ما زاد منها شيء و الحمدلله و طعمها طيب
جزاك الله الف خير
انا ما رديت قبل كنت انتظر اطبق و بعدين أرد و ها أنا ذا جربتها :)
جزاكي الله الف خير راح اعتمدها