أبي مشورتكم يالي مريتو بنفس موقفي

السلام عليكم ورحمة الله وبركاته

اولا يمكن يكون هذا وقت مناسب اني اشكر كل عضوه موجوده وربي يشهد اني ادعي لكل وحده فيكم اقرا موضوعها وادعيلها من قلب

انا متابعه للمنتدى هذا من زمان بس اقرا لكن ما اشارك واليوم كتب الله اني امر بتجربه وابي رايكم فيها
ماودي اني اتهور واندم

انا موظفه (مديره متوسط) وعندي وحده من المراقيبات مستواها التعليمي اقل من باقي المدرسات بس اعطيتها مكانتها علشانها صديقه (او كانت صديقه)
المهم هي دخلت في مجتمع المدرسات الموجودات وكونت لها صداقات كل هذا والامر يمشي من غير مشاكل
لين بدأت تعاديني بس بالكلام يعني اسمع انها تتكلم عني وتقول للكل اني اهضم حقها واني ما اعطي شغلها اي إعتبار واني احاول اني ما ابين شغلها للموجهات
والله يا بنات انها في مكان حتى ما تستاهله فيه ناس اعلى شهاده منها ومع هذا انا خليتها فيه
وفي الاخير تقول انها تنتظرني انقل من المدرسه علشان هي ترتاح وإذا انا ما نقلت هي تبي تطلب نقل لمدرسه ثانيه
انا ما همني هي ولا محتاجه لصدقتها هي مشت مع الناس الي مثل نوعها
لكن ما توقعت هذا جزائي بعد الي سويته لها كله
انا حاولت اتكلم معها واواجهها في السكلام الي اسمعه وحاولت اني احل الموضوع بس مشكلتها تجيني بوجه وتروح تتكلم من وراي بوجه ثاني
وش الحل؟؟؟ انا فكرت اني اقولها اني قاعده في المدرسه ماعندي نية نقل ابد..علشان بس اقهرها
واحيانا اقول بقولها اني بحاول انا اساعدها واخليهاتروح لقسم ثاني
لان مدرستنا اقسام روضه وإبتدائي ومتوسط بس تحت إداره وحده يعني تنقل لاي مكان بس
ما تكون تحتي مباشره
انا يا بنات عمدا خليتها مراقبه عندي بالقسم الي انا فيه علشان كنت ابي اساعدها باشياء كثير وفعلا والله يشهد علي اني كنت متساهله معها
سواء غياب او تاخير ربي يشهد اني كنت ما احاول اني اهظم حقها باي شي

الموضوع مقارنه بالمواضيع الموجوده مو مهم كثير لكن انا ما ودي اخذ قرار إلا بعد إستشاره

والله يوفق كل وحده وقسم بالله اني ادعيها لكم من قلب من كثير ما انا احبكم لله