أبي منكم دعوة طلبتكم لا تردوني فيها الله يسعدكم ويفقكم و يهديكم

أبي منكم يا أخواتي العزيزات دعوة في ظهر الغيب أن ربي يفرج عليه و على جميع عبادة المسلمين.
من عارفه من فين أبدأ
أنا عمري تقريباً 28. البنات اللي في عائلتي أصغر مني وأكبر كلهم متزوجين ومخلفين أطفال أعمارهم 6 و 5 و........سنين . أوقات أقول ربي لسه ما كتب وأقوات أقول في إنه في الموضوع. والله العظيم الناس تتصل تقول تبغى تخطب وما ترجع تتصل مرة ثانية . و أوقات يجو الحريم و تبدأ مقارنة أخواتي راتبه أعلى من راتب أزواجنا متعلم أحسن من أزواجنا ، ما في زواج إلين ما يصير عمرك 26 مثلنا و ما تخلفين إلى بعد سنة مثلنا وما يتم أمر الزواج. والله يا ينات و يا حريم تعبت من هذه المقارنة ما يقولوا الحمد الله أتزوجنا و مبسوطين مع أزواجنا وعيالنا . والله إذا صار أمر زعلني يقولو ليه الحمد الله نحن متزوجين. وأخواتي تخيلوا قدامي يقعدوا يدعوا لصاحباتهم ولبنات العيلة أن ربي يزوجهم بأحسن من أزواجهم. و إذا جاء عريس لأختي الصغيرة يفرحولها و ينادوها يا عروسة ولا يقارنوا عريسها بأزواجهم. وزيادة على كذا وحده من العيلة تتصل عليه وتقول لي يا فلانه أحسن لك تشتغلي إيش تبغي بالزواج إذا جاكي عريس حيكون ذي فلان من الناس( شخص أسمر مره غامق , مو متعلم ، ما يعرف يتكلم مع الرجال , وفوق كذا ما يصلي الله يهديه) ما أدري إيش أسمي هذا الشئ حقد جاوبوني؟
أبغاكم تدعولي من قلوبكم لأن ما أحس أن في أحد بيدعيلي و دعوة المسلم لأخيه المسلم في ظهر الغيب مستجابة .
ياااااااااااااااارب زوجني و زوج جميع بنات المسلمين بأزواج صاحين يعوننا على أمور ديننا ودنيانا , أزواج أفضل مما نتمنى و نتخيل برحمتك يا أرحم الراحمين يامجيب الدعاء أجب دعائي ودعاء المكروبين من عبادك المسلمين.