أبي من يوآسيني ويدعي لي

السلام عليكم


أخباركم ياحلوااات :)



انا عندي مشكله حبيت اطرحها عليكم وماابي منكم الا الدعاء لي

أنا تزوجت وعمري 15 سنه فبدآية زوجي عشت احلى ايآآآم عمري حسيت اني عروس بحق وحقيقه

أنا بطبعي المزح والفرفشه وعلى قولت امي الله يسعدها ( المرجوجه ) وكآن زوجي تعجبه رجتي

مرت علينا الخمس الشهور ولا احلى كآنت امه دايم تقوله المرا ماتنعطي وجه الحرمه عطها على راسها ياليت الكلام تقوله من وراي لا تقوله بوجهي الله يسامحها

مرآ كانت معي الدوره كانت مرااا متعبتني قال انا ولد خالي بيجي يتعشاء عندنا تكفين ابي عشاء محترم قالت طيب ولايهمك

انا ساكنه مع اهله بعماره وحده بيتي غرفتين وحمام الله يعزكم ومطبخ صغير مااطبخ فيه بس للقهواء والاشياء الخفيفه

والطبخ والمجلس تحت ببيت ابوه نزلت وانا والله ميته من التعب ركبت العشاء وانسدحت بصاله من التعب

جاء وجلس عندي قال اشبك اوديك المستشفى ؟ قلت لا مايحتاج جات امه قالت انت تارك الرجال وجالس مع مرتك

صدق انك ماتستحي وخذت تهاوشه

بعد ماخلصت من العشاء راح المقهى ولا قالي كلمت شكر

بعد هاليوم تغييييييييييير حيل معي صار شخص لايطاق مايتحمل كلمه مني ودايم يضربني انا ماانكر اني كنت ارد عليه بس كنت جاهله مادري ان هذا صح وهذا غلط

بعيده عن اهلي اهلي بديره وانا بديره ولاعندي اخت اكلمها واشكيلها ولا عندي صديقه آآآآآه ورب البيت اني كنت عايشه بمآساه لايعلم بها غير رب العالمين

مرت سنه على زواجي وكل مال المشاكل تكثر وتزيد ويوصل الضرب الى انه يتمنى موتي كرهني بعمري

كل يوم مع بنت وكل يوم يزيد كذبه بكذبه جديده

ومرا من الايام واجهته وقالت وش نقصته عليك علشان تتعرف على ذي وذي قال ليه تفتشين جوالي وليش وليش؟

آآآآآآآآآآه بدال مايتاسف ويبرر صار يهزئني

وكلمه ورى كلمه قال انا اكرهك ولا ابيك صدمني والله والله ليومي هذا انا احبه بس اقول كرامتك يابنت

دقيت على ابوي قالته تكفى تعال انا ماعاد استحمل اللي خلاني ادق على ابوي لاني خفت منه خنقني ويبي موتي

قالي قومي البسي بوديكم لااهلك قلت ريح عمرك ابوي جاي !

انصدم وقال انتِ طالق يابنت فلان !!!!!!!!!

وشرد من البييت

جاء ابوي واخذني بعد ماشاف الضرب اللي بجسمي

رجعت لاهلي مامر علي شهر الا ورقتي جاتني , حسيت بالظلم والقهر مااقول الاحسبي الله ونعم الوكيل

جالي سنه وانا عند اهلي جاء وخطبني واحد من طرف صاحب ابوي وافقت قالت بشرد بعيد عن كلام الناس اللي سمني

ابوي سآل عن الرجال ومدحوله اهله وانا اشهد ونعم فيهم قال الرجال انه كان متزوج وطلق حرمته علشان يبي عيال

تزوجت وليتني ماطلعت من بيت اهلي خييييير شر طلع شكك يقفل علي الباب وكل شوي شارد من العمل علشان يشوف انا وش اسوي

مراا قلي وش بينك وبين اخوي ! قلت اخوك مثل اخوي يفتش جوالي اول باول مايخليني اروح لااهلي والله والله ياجماعة الخير اني عمري مارفعت صوتي عليه ولا ارد عليه كنت اقوله طيب يقولي انا ابي وحده تجادلني

كلمت اهله قالوا مرضان صار عليه حادث وجاله خلل بالعقل <--وين كلااامكم هذا قبل الزواج


انا الحين عند اهلي لي ثلاث شهور لاهو راضي يطلق ولاهو راضي يعطيني اغراضي

ابي رايكم ارجع له ولا انا الحين عمري 20 سنه معقول اختار الطلاق وهذي المرى الثانيه؟؟؟

أختار تعاستي ؟


تكفووون ابي منك الدعآآء ان الله يفكني منه ماعاد ابي شي خلاص :(

اتمنى اني ماطولت عليكم بس انا مجرد اني بحكي لكم قصتي :)