أبي موضوع يحذر من الدلال واللعب الزايد مع الاطفال!!

السلام عليكم
كيف حالكم ياخواتي
انا عندي مشكلة و هي ان زوجي يدلل بنته بزيادة لدرجة انه كل شي عنه هزل و مزح حتى وقت الجد (الأكل النوم الخ)
عجزت من أنصحه يقوللي الاطفال حياتهم لعب طيب اوكي بس هو مايعلمها الصح من الخطأ ولو تغلط و تدلع أو تسوي شي غلط مايحاول يعلمها يتركها تلعب حتى لما نجلس ناكل تلعب و تلخبط لنا الصحون و تعفس بالأكل و هو كله برود لما اقولها شي يقوللي خليها ما سوت شي مع أنها لو تسوي نفس الشي بيت أي حد ثاني ينزعجون حتى أم و أبوي و اخواني يقولولي بنتك متغيرة صايرة عنيدة و مخربة مو مثل أول و أنا اقول بقلبي السبب أبوها خربها لي بعد ما كانت مؤدبة و هادئة

أبي مقالة أو موضوع ممكن تخليه يتغير شوي ع الاقل يكون جاد شوي قتلني بروده و دلاله لبنته

بس تكفون لا تقولولي (قوليله ) لاني عجزت من كثر ما أقوله حتى اليوم تهاوشنا والسبب هي

أبي مقالة أرسلها أو أطبعها له علشان يقراها لحاله و يفكر و ادعولي يأست صارت فجوة بيني و بين بنتي بسبب دلاله لها لدرجة لما نجلس احنا الثلاثة ما أطيق أجلس معاهم أروح لغرفة ثانية من كثر الأزعاج و الفوضى و قلة الأدب اللي تطلع من تصرفات بنتي بوجود أبوها والله إني أقوم أروح غرفة ثانية لما نجلس كلنا مع بعض
بس لو أنا و بنتي لوحدنا عادي ما أتضايق منها لأنها ماتشاغب وتخرب مثل ما تسوي عند أبوها

للعلم هي عمرها فوق السنتين والنصف و (تفهم) والله إنها تفهم مو صغيرة حتى لو هو موموجود تسمع كلامي يعني البنت تفهم مو صغيرة بس لما هو موجود تعرف ان في حد راح يدللها و ويسكت عنها

بليز أبي موضوع جاهز لا تقولولي (قوليله و أنصحيه) لانه خلاص ما عاد في مجال للنصيحة بالكلام والنقاش و لو يكون موضوع يستدل فيه بنصائح دينية من مشايخ ياليت ما تبخلوني علي فيها


:29: