أبي نصيحه ..بدون أنانية !

أبي نصيحه صادقه بعيده عن الأنانية ونرجسيه .
وتفكير العمي ..واللي كلامهم بدون تفكير بظروف الغير تنقطني بسكاتها .
واللي عاقله وتستشعر ظروفي اتمنى تطرح رأيها علي .
الان أنا مطلقه ..لي كم سنه والحمد الله .
لكن موسعه ع نفسي وصدري مع اني واجهت صدمات كثير بعد طلاقي فقط لاني مطلقه لكن ولا هموني عايشه حياتي .
خلاصة الموضوع من تطلقت مايتقدم لي غير المتزوجين بين النطيحه والمترديه واشكال شي .
المهم وارفض وارفض ابي واحد مومتزوج وليس ذلك كره في التعدد لانه شرع واذا حدني الزمن عليه الشكوه الله وش بسوي ..لكن الأمل موجود .
المهم تقدم لي 2 واحد من طرف امي واحد من طرف أبوي .
اللي من طرف أبوي .
*متزوج وعنده 4
*أكبر مني ب7سنوات
*وظيفة ممتازه ورتبه ممتازة
*طبعه حنون وأنسان هادي ورجل محترم وهذا من خلال سؤال الوالد عنه .
#####
اللي من طرف أمي وهذا طرنا فيه وهتمينا فيه لانه ماعنده زوجه وسألنا عنه أكثر من الاول وهذا نتيجة السؤال :
*أرمل وعنده بنتين
*أكبر مني ب15سنه
*وظيفته بسيطة حتى بيت مايملك .
*عصبي لدرجة الضرب عادي عنده واللي فهمته انه كان مجنن المرحومه بضرب .
*بناته مايقدرون يعيشون معه وراحوا سكنوا عند جدتهم !!
*خطب كثيرر وتم رفضه فبتالي أخته خطبتني له
ولا هو يبي بنت وأنا مطلقة !
*اتصلت بنت أخته وسالتها عنه وقالت اذا تقبلين فيه انا مالي دخل بكره تجين تشكين منه لاني اعرفه صعب عشرته وماحبت تتكلم كثير عن خالها .
لكن قالت مالي شغل فيه !


الأن في حيره ....ولا واحد من قبيلتي .
الاول تفاجئنا أنه طالب النظرة وحنا أصلا ماردينا عليه المتزوج !
وقال ابوي شوفيه اعجبك كان بها ماأعجبك محد غاصبك واعطي نفسك وقت وفكري .
وقتها كانوا يصحوني من سابع نومه
ولا حتى معي وقت ع طول لبست تنوره وبلوزه وغسلت وجهي ولميت شعري ولا حتى اذكر حطيت شي ..وركض بسرعه بسرعه .
ودخلت المجلس ع طرف الباب
أممم ماتكلمت هو عرف بنفسه وتكلم عن نفسه ...الخ
فقط سألته ليش تبي تتزوج ع زوجتك ؟
قال هذي أم عيالي ومقدر اصرح بشي الااذا صرتي ع ذمتي .
قلت طيب لو تركت البيت وكذا قال وقتها قرارها وهي حره ماأجبر أحد ع شي.
بس اذا صار وتركت عيالها اتمنى انك تساعديني مع شغالتهم اننا نكون مع بعض .وعياله بمدارس .




وبس .


سألون قلت مدري أستخرت وماتضح شي معي !!