السلام عليكم جميعا
مدري من وين ولا كيف ابدا لكن بدخل بالموضوع على طوووول بدون مقدمات
انا تزوجت وبفترة الخطوبة كنت مرتاااااااااااااااااااااحه له جدا من ناحية وحده بالتحديد وهي :انه يغض البصر ومو راعي حركات مايله
وافقت وكملت معاه بكل راحه وثقهـ
مرت شهوووور من الزواج
وفي ايام جت حسيت فيه تغير بزوجي صار يسهر لوقت متأخر جدا مو برا لا جوا البيت لكن عاللابتوب
يعني يطلع الضوء وهو عالجهاز
بعدين عرفت انه يجلس على لعبة ((البلياردو)) الله لايسامح من سواها وماشي فيها
انا الوضع كان عادي لاني مو عارفه طبيعة اللعبه لكن لما دخلتها وشفت انجنيييييييييييييييينت
القاب جريئه جدددا وشات محادثات يعني الوضع حدث ولاحرج
وغير كذا كان يمر الشهر والشهرين وهو مايفتح المسن الحين مستحيل يمر يوم بدون مايفتحه
صار اللابتوب شي اساسي بيومه وبحك ان دوامه ساااااااااعات طويله صار ياخذ اللابتوب معاه يقضي وقت فراه عليه
انا طبعا الوضع هذا دمر نفسيتي لان ماتتخيلون وشلون كانت نظرتي له ولا وشلون كنت انام وانا مرتاحه الحين النفسيه صارت عدم والصحه كذلك
واللابتوب والجوال مستحيل يخلي وراه اي شي يعني رسايل الجوال الوارده والمرسله والمحادثات يمسحها اول بأول مستحيل يترك اي شي وراه واذا كنت ابي لابتوبه او جواله لازم يتأكد ويمسح اذا فيه شي بعدين يعطيني وجواله نهاااائي مايسكت من المسجات والاحظه يرد يجي مسج ويرد بشكل ملحوظ
تعبت من هالوضع مدري وش اسوي معاه
وهو دااايما يحلف لي انه مايغلط وانه قد الثقه
وامس بس اكتشفت انه طلع له ايميل ثاني انا صرت كذا
مصدومه من هالتدور اللي جالس يصير بحياته
كل شي حلو فيه بس هلاشياء خربت كل شي بيننا
صرت اشك باي كلمه يقولها باي تصرف اي شي يسويه او يقوله احسه كذب
وهالوضع متعبني جدددددا
انا مابي اتطلق ولا ابي اسيء الوضه اكثر من كذا
أبي حل أبي شي أسويه يعدل وضعي ونفسيتي
أبي أصده عن هالامور مع ان كل شي ممكن يصده موجود يعني يحبني ومايبي يتركني عاجبته بأشياء كثيره تزوجني عن رغبه تامه
ما ادري كيف اغير الوضع واخليه يرجع مثل اول يهمل اللابتوب ويترك هاللعبة وسالفة الاكثر من ايميل
أبي نصيحه من قلب نصيحه تريحني وتحسن حياتي