أبي وحده تضبط لي مخي

والله حاسه محد بيعطين وجه المتزوجه وهمها زوجها الله يعينها ويفرج همها والعازبه تحتري الزوج الصالح والله يرزقها
بس نحاول نكتب ان استفدت ولا مافيها ضرر إن شاء الله ..
بنات من تقدر تفسر حالتي أو من مثلي ..؟ :44:
وإن شاء الله مافيه أحد مثلي ..:icon33:
مدري وشفيني أنا إذا جلست مع صديقاتي أو أي أحد أو كلمتهم بالتلفون مخي يصيررر نظيف تدرون وش معنى نظيف يعني انسى بيتنا وانسى أنا وين وكيف عايشه وكيف وضعنا وش الخبر الجديد علينا حالتنا مدري هي كيف فورمات والله موب صاحيه عقلي مافيه شيء مستمعه جيده وبقوه ادخل جو مع البنات وكيف عيشتهم وحبيت أهلهم وخوالهم وعمانهم حتى جماعتهم أما أنا والله مدري اعجز أتكلم عنا إذا رجعت للبيت تصدقون أني أجمع سواليف بكره إذا قابلت فلانه بعلمها وبقول لها أقابلها والله العظيم ماأتذكر شيء تعذبت يعني حتى فيه شغلات أبي أطلبها منهم أقول بكره بعلمهم بس أروح أنسى شيء موب طبيعي أبد بس الحمد لله أنا راعية فله وتنكيت الحمد لله أسولف بالمكان اللي أنا موجوده فيه وع حالتي اللي أنا موجوده فيها مثلاً بالجامعه أسولف عن حياتي بالجامعه بس عند خوالي أسولف عنهم بس وعنا تعبببببببببت والله اللي خلاني أشك بنفسي أنا وصديقتي بالجامعه إذا فضينا دخلنا المعامل وتصفحنا النت المهم وندخل منتديات ونعلق وزي كذا مره قالت لي يا دنيا قلت هلا قالت بقول لك شيء لاحظته عليك قلت وشو قالت صراحه أحس نفعك المنتدى قلت لها ليه قالت صار التواصل واحتكاك مع الناس أفضل وصرتي تعرفين تردين بسالفه من وضعك بشكل أفضل والله كلامها بقلبي أبي أستوعب حالتي عجزت يعني الحمد لله مو سالفة غباء وراعية تعارف مع البنات أفضل من صديقاتي أعرف كثير وسواليف بس باطار جامعتي ياليتني أتعمد أنسى وماأتكلم عن حياتي لكن والله غصب عني يعني تخيلوا صديقاتي لنا فتره طويله مع بعض ماشاء الله مثلاً إذا جيت بسكر منهم تقول لي سلمي ع أمك وخواتك مايعرفون شيء عنهم أما أنا عارفه حياتهم أقول سلمي ع فلانه وفلانه وزي كذا واسأل عن أحوالهم أما هم مافيه شيء يسألون عليه هالشيء مضااااايقني مررررررره لا والمصيبه لو سولفنا عن الجامعه يقولون تكفون سكروا على موضوع الجامعه >>هنا أضيع :icon33::icon33:
وبنات خالتي يسولفون عن صديقاتهم وش صلحوا أنا أطالعهم وبالي مع نفسي أقول تذكري يادنيا حاولي بس وقسم بالله مافيه شيء برأسي مافيه أفكار أسمع لها إذا خلصت سولفت لها عنا حنا اللي بالجلسه وخواتها أحداث تكون توها صارت قدامي ماامداني انسى واعلق واضحك بس مصير السواليف تنتهي :44:
دايم أفكر ليه الناس يصادقوني متعبني هالشيء حيييييييل ومأثر ع نفسيتي والله
الله يوفق اللي تساعدني ويفرج عليها مثل ماتفرج علي :(