كل عام وانتم بخير
:44:
خانقتن العبرة تذكرت يوم حنا صغار
الله على ذيك الأيام
عيد الاضحى كان له فرحة
كانوا اهلنا يجيبون الخرفان ويحطونها بالحوش
كنا نتفرج على الخرفان فرحانين
ونلعب معه
واللي له قرون نهج عن لاتنطحنا
وبعضهن يتناطحن مع بعض
وحنا فرحانين نشوف حركاتهن
والسكاكين والمسن يجهز قبل العيد
بيوم
8
8
ينرحم
وكنا نتفرج على ابوي وعمي وهم يذبحون
ويصلخون
ونشوف الخروف وهو يفرفر
والسكين بحلقه
والدمان يطشر وحنا راحمين الخروف
اذكر بعض الخرفان يذبحونها
ويطلع فيها جنين
ياربيه عليه كنا نرحمه
ليه يبيعونه وهي حامل!!!
...
وأمهاتنا ينتظرن التسبدة (الكبده)والكرشة
يبي يسوّن الحميس
وفيه احد ياكل التسبدة (الكبده)نية ماطبخت
انا ماأحبه نية
وكانت أمهاتنا يحسحسن راس الخروف
هالحين ما أسمع إن أحد يحسحس
(الحسحسة وضع راس الخروف على النار مباشرة عشان يحرق شعر الخروف )
وبعدين نجلس ناكل الحميس والكبده
وحنا ملتمين مع بعض
يابنات أبصيح :icon33:
بعد ماتزوجت كنا نجتمع عند أبو زوجي
كان عيدنا وناسة وفلة
وبعد ماتوفى خلاص صرنا في الصبح
نعيد ببيتنا :44:
وبعدها نروح نعيد على الاقارب
بس العيد هالحين ماأحس له طعم
العيد عندي هو اجتماعنا في الصبح
وخبة الذبح وتجهيز الحميس
:icon33:
والاجتماع بالليل احس انه عزيمة مهو عيد
:mad:
أسأل الكريم رب العرش العظيم أن يكون عيد مبارك للجميع
لاوالله حنا على خبرتس نقوم الصبح ويذبحون خواني الخرفان في بيت اهلي
ونجتمع ناكل التسبده مقلقل لحم ونشوي لحم وكبده ويجون حريم خواني وخواتي
والله فله وونااااااااااااااااااااااااسه مره
واخر شي اخوي يحسحس راس الخروف بس انا وخواتي مانحبه الله يديم النعمه
العيد الجاي بعزمتس معنا ان شاء الله