بسم الله الرحمن الرحيم
أنا اليوم جبت لكم قصه واقعيه لأب تاب على يد ابنته ...
اليكم القصه ..
كان في رجال متزوج من امراه صالحه وبعد كم سنه رزقهم الله ببنت ..
ومرت السنوات الا أن صار عمر البنت خمس سنوات ..
فكان ابوها يعيش حياة كلها معاصي وذنوب أعاذنا الله واياكم
المهم :في يوم من الايام الساعه ثلاث الفجر رد الرجال بيته وكان معاه فلم فاضح ,وكانت مرته الصالحه نايمه هي وبنتها
المهم : شغل الرجال الفلم الفاضح اللي معاه واستغل غيبة زوجته وبنته ..
شغله واندمج فيه .. وهو كان قاعد بغرفه بروحه وكان مسكر الباب بعد دقايق قليله انفتح الباب اللي كان مسكر وجته بنته بعدين قالها ,اشفيج يابنتي قاعده هالحزه ,وبنفس اللحظه قالت له :يبا حرام عليك اللي قاعد اتسويه ,,
وراحت البنت غرفتها ...
انصدم الاب وقال شلون بنتي اللي عمرها خمس سنوات تقول هالكلام ... سبحان الله هو ماكن يدري ان اللي داز البنت هو ربها ...
وقام الاب بس يفكر بكلام بنته .. بعدين أذن الفجر وقال الابو حق نفسه ياالله أنا من زمان ماسجدت لله وكلام بنتي عدل
يعني بنته خلته يهتدي بكم كلمه ..بعدين راح المسجد وتوضئ وصلى ...
بعدين رد البيت ونام كم ساعه وعقبهم قام للدوام ..
وكان تعبان وحاط راسه على مكتبه اللي بالدوام .. وقاله زميله اللي بالدوام : اشفيك يافلان ؟
وبعدين قاله السالفه .. وقاله رفيجه سبحان الله أكيد بنتك دازها ربك لك اتقي الله وروح ألحين البيت وارتاح ..
وفعلا راح الرجال بيته لقى الام تبجي ؟؟
قالها اشفيج تبجين ؟
قالت :أنا اليوم الصبح كنت اقعد بنتك بس ماقامت معاي وعرفت انها توفت !!
انصدم الاب وكان الخبر مثل الصاعقه عليه وقال سبحان الله انا اشهد ان ربي دازها لي وأنا اعلن من هالحظه توبتي بعدين دفن بنته وصلى عليها وعهد بينه وبين ربه التوبه النصوحه...
انتهت القصه والسموحه اذا طولت عليكم وانتظر ردودكم ...:(
يلزم عليك تسجيل الدخول أولًا لكتابة تعليق.
الصفحة الأخيرة
الله يرحمها يارب واموات المسلمين اجمعين
بارك الله فيك اختي