أتاه يا قلبي ساعدوني ما عندي خوات

السلام عليكم ورحمه الله وبركاته
صباح الخير
خواتي ابفضفض لكم وساعدوني الله يخليكم ماعندي خوات أنا صغيره والوحيدة بين 7 اولاد وأمي كبيره وماتعرف شي والله يتقطع قلبي من جوا اذا شفت خوات مع بعض ويفضفضون وقريباتي وزوجات خواني مستحيل يعلموني
مشكلتي هي أنا متزوجه من سنتين وابدخل الثالثة وما حملت عندي ضعف تبويض وراجعت ومافيه فايده الدكتوراه ما شاء الله ممتازه وتعطيني كلوميد وأخذه من ثاني يوم بالدورة واتابع عندها التبويض ويصير ممتاز بس مايصير حمل والشهر الشهر اللي بعده تجئني الدوره واتابع التبويض بدون كلوميد ويصير مافي تبويض وأخذ كلوميد وعلى هالحال بدون نتيجه مده 3 شهور والشهر اللي راح رفض زوجي أراجع دخل امه بموضوعي ورفضت تقوله لا توديها للمستشفيات حتى لو أمرض مستحيل يوديني مؤ كافي أنا تدخل في كل شي بحياتي وزوجي يسمعلها
وتركت المستشفيات وتعبت نفسيتي من الهم حتى الخلطات مايعرف فيها يجيبها لي اخوي وهو ما يدري وأخبيها عنه هي خلطه الخمس فناجين أخذتها تقريبا 3 شهور ومليت منها
وقبل كم يوم رحت لأهلي وقلت لأخويه يجيب لي حبوب القاح وطلع النخل وغذاء ملكات النحل والعسل ويا عمري عليه صغير وما عندي الا هو أنا ما اقول لا خواني اللي اكبر منه لأنهم متزوجين ويعلمون حريمهم بكل شي
المهم راح الصيدليه وجاب غذاء ملكات النحل بوده والباقي مالقاه وراح البقاله وجاب عسل الشفاء
يأتني عليه تخيلو يقولي متى تجيبين نونو والعب معاه
هل يصلح استخدم هذا العسل أنا افكر أقرى عليه واخلطه مع غذاء ملكات النحل وحبه سوداء لأني مقدر أجيب الباقي الدوره موعدها اليوم وزوجي رافضها وأحاطها مع الحليب ولا لا واشرب أناناس
وهل ضعف التبويض سببه الدوره الغير منتظمه
بس أنا دورتي منتظمه
بنات ساعدوني لو بدعوه خائفه زوجي يتزوج علي امه قاعده تمدح له بنات وتحط فكره الزواج بباله