$ السلام عليكم ورحمة الله وبركـآته $
كيفكم .. عساكم بخير يارب .. هذا أول بموضوع لي في المنتدى .. أستفدت كثير وحبيت إني أفيد غيري وإن شاء الله أكون عند حسن ظنكم
طبعاً بمآ أن اليوم أول يوم في الدوآم بعد الاجآزه الطويله << ايه كثري منهآ .. وطآآل عمري غايبتن عن الجآمعه :35:
قلت أنزل لكم هالموضوع في خاطري انزله من كم يووم .. بس جا وقته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هالأيام كل بنت صار همها البياض وإني أصير نجفه .. أبرق من بعيد من بياضي صح ولا لأ ؟! .. والله اني في الجآمعه اشوف العجب تلاقين الوحده ماشاء الله تبارك الرحمن بيضا وتحط كريم اساس وبودره افتح من لوون بشرتها وكأنها باربي ولا راشه دقيق
طيب ليش ماشاء الله بشرتك فاتحه .. الطمع وما ادراك ما الطمع ؟!
وتجين لليد سودآآآ والرقبه سمراا وألوآآآن اهم شي عندها الوجه اما الجسم :mad:
أهم شي يابنات لونك يكون موحد والصفااااء .. صح البياض له دوور وحلوو وفي اشياء تفتح وتبيض البشره .. وتشوفين نفسك بيضتني بس لان بالاصل لونك كآن كذا أول ماجابتك أمك
لا تجي وحده تقوول كنت وعد وصرت نانسي .. :35:
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم باكتب لكم خلطه للجسم يابناات .. أمي ربي يحفظها تسويها لنآ .. وشي أخذته من عادات بلدها لأن بالاصل امي مو سعوديه بس من دوله عربيه .. ويسون هالشي لمن يروحو للحمام :)
وربي يابناات ان ما اتعدلت بشراتكم 180 درجه وبيااض .. تعالو وقولولي انتي ماعندك سالفه :35:
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راح اكتب لكم الخلطه بس ما ابي منكم الا الدعاء في ظهر الغيب
هالخلطه تستخدمينها كل مادخلتي تستحمي .. لاتجي وحده تقول امل واطفش .. حطيها في قاروره في الحمام ماتخرب ولا تعفن وغسلي فيها بدل الصابووون
كل وحده تسوي الكميه اللي هي تحتاجهاا .. انا امي تسوي كميه كبيره وتحطها لنا في الحمام لي ولخواتي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
1 صابونة الطاوس اللي لونها بيج مبشووره انتي ابشريها
صابون مغربي
موية ورد
حبه سوده مطحووونه
أزير مطحوون ( أكليل الجبل ) مطحوون شكله
ملح خشن
عصير ليمونه
خزامى وهذا شكله لوونه مووف
تجيبين صابونة الطاوس او البعض يسميها الغار تبشرونها وتحطون عليها موية ورد وتخلينها على جنب الين تحسون ان الصابوون صار شبه سائل حطو الصابون المغربي وتخلطينها وحطي الحبه السودا المطحوونه واكليل الجبل
بعدها حطي ليمونه معصووره .. والقليل من الملح الخشن .. وشوية خزآمى
واخلطيها بتجيك خليط شبه ساائل .. وأحفظيها في قاروره وخليها في الحمام
وقت الاستحمام ادعكي فيها بالليفه وخاصة المناطق الغامقه في الجسم وربي مره تفتح وتصفي وتوحد لون الجسم بشكل مو طبيعي
واستخدمو بعدها كريم مرطب .. أحسن كريم مرطب استخدمته اسمه رويال بالكولاجين والدراق رووعه .. تلقونه في محلات نزيه او الصيدليه
الخلطه ماتنحط على الوجه بس الجسم
وأي سؤال انا حاضره
:35: