السلام عليكم ورحمة الله وبركاته
هلا والله خواتي الحبيبات
الصراحه مادري شلون ابدأ ولا كيف ابدأ بس كل اللي اعرفه اني بديت احس بخوف تدرون من شنو ؟ من ها القصص اللي قمت اسمعها عن خيانة الزوج لزوجته وزواجه عليها ومعاملته القاسيه لها وهالسوالف :icon33:صحيح ان زوجي الحمدالله يحبني ومايقدر يستغني عني بس بعد كل ماقريت ولا سمعت قصه فيها مأساه وظلم للزوجه احس بخوف من المستقبل ماقول غير الله يحفظلي زوجي ويسخره لي ياااااااااااااااااااااااااااااااااااااااارب ويبعد عنه عيال الحرام اللهم آمين
ليش يا بنات دايما يحطون العيب في الزوجه وانها ماعرفت كيف تكسب زوجها وانها وانها .........الخ مع اني اشوف ان الزوجه تضحي اكثر من الزوج وتستحمل الذل والاهانه بس علشان تحافظ على عيالها وعلى حياتها الزوجيه اما الازواج فأكثرهم أنانيين ومايفكرون الا في راحتهم وسعادتهم والدليل على هذا :
1- اذا جت العطله الصيفيه اول شي يفكر فيه الزوج وناسته وراحته ووين بيسافر ويبدأ يتجهز للسفر ويواعد ربعه اما زوجته فما يسأل عنها ولا يفكر انه ياخذها معاه تغير جو المسكينه مع انها تتعب مثل ما اهو يتعب ويمكن اكثربعد لان كل شغل البيت على راسها وتربية عيالها عليها وهوياكل ويشرب وينام وبس ولا يسأل عن شي :024:
2- اذا جاه مبلغ محترم على طول طيراااااااااان يشتريله سياره يكشخ فيهاجدام ربعه هذا غير الساعه والنظاره والقلم من اغلى الماركات ومايكلف نفسه يسأل زوجته اذا تبي شي ولا محتاجه شي واذا تكلمت قالها انا مو مقصر معاج موفر لج ولعيالج كل اللي تحتاجونه طبعا يقصد الاكل والشرب على باله الدنيا بس اكل وشرب ونوم وبس:06:
3- اذا مرضت زوجته ولا صار لها شي طلع عيوب الدنيا فيها وعلى طول يبي يتزوج ويتمتع واهي بالطقاق يبني سعادته على تعاستها واهي لو فيه الف عله وعله مستعده اتضحي وتستحمله واذا سألوها المسكينه قالت زوجي وبوعيالي ومايهون علي اتخلى عنه لازم اوقف معاه في شدته شفتوا الاخلاص بس منو يقدر :boom:
4- اذا جت مناسبه حلوه مثلا عيد زواجهم او عيد ميلاده تلقونها المسكينه قاعده اتجهزله الهديه وتكشخ وعافسه نفسها وتزين وتعدل في ها البيت وتفكر شلون تقضي ليله رومنسيه معاه وهو ناسي واذا قالتله ترا اليوم عيد زواجنا قالها آسف والله نسيت ويقعد معاها شوي من غير نفس وبعدين يقولها تعبان ابي انام ولا مواعد الربع ويخليها المسكينه ميته بحسرتها :icon33:
هذا غير الامور الثانيه واذا تكلمت ولا اشتكت قالولها ماعليه لازم تصبرين علشان بيتج وعيالج انزين لين متى تصبر ليش اهي اتضحي واهو لا؟
حتى ان اكثر مواضيعكم يا بنات الصراحه اتزعلني كلها للزوجه كيف تجذب زوجها وكيف ترضيه واذا زعل كيف تصالحه ليش ماتكتبون بعد مواضيع خاصه للأزواج كيف يعاملون زوجاتهم بحترام وتقدير مثل ما اهو له حقوق اهي بعد لها حقوق ولازم يراعيها ومثل ما اهي تحاول تسعده بشتى الطرق المفروض اهو بعد يحاول اسعادها
انا كتبت ها الموضوع لاني مقهوووووووووره مره اليوم الصبح اختي كلمتني عن وحده من ربعها وشلون زوجها يعاملها بقسوه والله لو اكتب لكم شلون يعاملها راح يعوركم قلبكم عليها هذا وهو توه متزوجها وحامل بعد والله تكسر الخاطر وصديقتي الوحيده بعد نفس المعاناه كل ما اتصل لها القاها حزينه وكئيبه وكله بسبب زوجها وخرابيطه اللي ماتخلص ماقول غير الله يعين كل زوجه مبتليه والله اللي يشوف بلاوي غيره اتهون عليه بلاويه :(
ملااااااااااااااحظه: نصيحه لكل زوجه الزمي الدعاء والاستغفار واذا بغيتي تشتكين لا تشتكين الا لربج لان الناس ماراح ينفعونج بشي بالعكس بيشمتون فيج مابينفعج وبيخلصج من مشاكلج وبيفرج همج الا الله سبحانه وماخاب من طرق بابه وسمحولي على الاطاله.
يلزم عليك تسجيل الدخول أولًا لكتابة تعليق.
هوى الدار
•
كلامج كلة صح اختى جنان والواحد يدعي ربة انة يصلح الحال ويهدي الازواج ويحنن قلوبهم على زوجاتهم وهمن اقولج خليج متفائلة وتفاءلو خيرا تجدوة وسلامتكم
يعطيييييييييييييييييج ألف عافية على هالموضوع ... والله انج صادقة بكل كلمة قلتيها .. بس بعد في النهاية هذا زوجج شتسوين مردكم حق بعض ..
يعطيييييييييييييييييج ألف عافية على هالموضوع ... والله انج صادقة بكل كلمة قلتيها .. بس بعد في النهاية هذا زوجج شتسوين مردكم حق بعض ..يعطيييييييييييييييييج ألف عافية على هالموضوع ... والله انج صادقة بكل كلمة قلتيها .. بس بعد في...
صدق ان الدعاء هو السحر الحلال بعينه
ومشكوره على هالموضوع اللي أللب علينا المواجع ..
أمزح تسلم إيدينج عليه.. فعلا واقعي وهذي حال الدنيا
ومشكوره على هالموضوع اللي أللب علينا المواجع ..
أمزح تسلم إيدينج عليه.. فعلا واقعي وهذي حال الدنيا
الصفحة الأخيرة