أتعبتني نظرات الجميع .. وفقدت الأمل

السلام عليكم ورحمة الله وبركاته
يمكن لي كم موضوع شبيه لهالموضوع بس لأنّي تأزّمت منّه وصرت بس أفكر بهالشي وأتعبني من جد
أنا في منتصف العشرين ولدي عيب خلقي غير واضح ولكن الكل يعرف إنه فيني وهذا الشي خلاني اصير بوحدة
لأن الكل مااقدر أقول البعض لا والله الكل يهربون منّي وكأني وححححش وقالتها مرة وحدة لي الله يسامحها
رغم إن العيب هذا مو في وجهي في مكان ظاهر بس ليش هالنظرات وهالنغزات وهالكلام !
صرت ماعاد أطلع وطموحي اللي طمحت له راح هباءاً منثوراً والكل تقدّم وأنا صرت ورا لأن ماأبي أكون مع أحد وما ألقى منهم إلا الابتعاد والتقرّف منّي وحتّى الكلام مايتكلمون معي
كبرت الحين وصار همّي مثل هم أي بنت بعمري أكيد الزواج
والله لو تعرفون حبّي للأطفال وش كثر ؟
متعلقة فيهم لدرجة كبيرة وودّي بطفل منّي وفيني بس مين بيقبل ؟
إذا البنات اللّي من نفس جنسي متقرفين منّي ويستحون يشوفهم أحد يتكلمون معي
فكيف بالرجل والزواج وهالأمور ؟
وكل ما انخطبت وحدة من البنات اللي أعرفهم تتجمّع في داخلي صيحة وأردد محد بيرغب فيني وهم أحسن منّي
وآخرتها اليوم وحدة من بنات الجيران عسى الله يوفقها ويسعدها انخطبت ومتمسّك فيها وأكثر من مرة يخطبها ووافقت الحمدلله اسأل الله أن يوفقها ويسعدها
على طول قلت في بالي لو أنا وانخطبت وبعد مايشوف العاهة ماراح يفكّر يرجع ثاني ويمكن يكره البنات من بعدي
أدري بتقولون أني ابالغ بس أنا ما ابالغ أنا أشوف ان هالشي فيني عادي وبسيط بس عند غيري مهولين الدنيا ومتقرفين منّي وكارهيني
ما أبي أموت إلا بعد ما أخلّف طفل الله يرزقني ويرزق بنات المسلمين أبي استر نفسي
أيش اسوي مع نظرات النّاس , وش اسوي مع نفسي ؟
أنطويت وصرت بوحدة وماعاد أبي أجلس مع أحد إلا مع نفسي
حسبي ربي وكفى