شاركي في النقاش

سجلي الدخول لإضافة تعليق.

التعليقات

30

  1. @on_khfook عضوة جديدة

    #1880892
    ياربي..ردي الأول مال أمه داعي..
    ياشين اللي يرد وهو توه صاحي من النوم:23:

    أسمعيني وأنا أختك..


    الحين زوجك تزوج..
    ووقع الفأس في الرأس..
    تآلمتي وضاق صدرك وحزنتي وبكيتي وصرختي وشكيتي..
    طيب..
    إلى متى؟؟؟!!!!
    يعني ليه خليتي زوجك هو أساس حياتك..!!
    وخليتيه مثل الهواء اللي تتنفسين منه مالك غنى عنه؟؟!!
    يعني لو لاسمح الله بعد عمر طويل زوجك مات..
    بتحفرين قبرك جنبه وتموتين عمرك؟؟!!!

    ترى اللي تسوينه مايرضي الله ولا عباده..
    تبين زوجك يحن عليك؟؟
    وأنتِ ماحنيتي على نفسك؟؟
    اللي يسويه زوجك حلال..واللي تسوينه أنتِ حرام..
    ( ولا تلقوا بأنفسكم إلى التهلكه)
    ترى إحنا يالبشر أمرنا بيدنا..
    إذا بنعيش على ذكرى..ونجتر الأحزان واللآلام
    بننوح ونتحسف بأعمارنا واعمالنا وعطاءنا..
    بتضيق الدنيا في عيونا..
    وكل وقتنا نبكي ونتآلم..

    لكن لو تفائلنا..وعشنا حاضرنا..
    ونسينا البشر وأفعالهم والدنيا ومصايبها..
    وأتكلنا على رب العالمين..
    وحاولنا نشغل أنفسنا وتفكيرنا بشي إيجابي في حياتنا..
    بنحس إن الدنيا مازالت بخير..
    بنتفائل ونحس بأي لحظه حلوه ممكن تمر بنا..

    ترى ربي ماخلقنا بس لأزواجنا..
    خلقنا لعبادته وطاعته..
    أعبدي ربي وألزمي حدودك معه..أرضي ربك تحصلين
    تعويض لحياتك إن ماحصل في الدنيا يكفي في الآخره..

    لاتحزنين إلا على يوم أغضبتي ربك فيه..
    أما البشر لاتضيقين صدرك علشانهم..
    هذي مجرد دنيا عابره..نمر بها مرور الكرام..
    بنذوق فيها المصايب والآلام..
    ونذوق فيها السعادة والفرح..
    والرابح فيها اللي كسب رضى ربه.

  2. @yasmyn_2 محررة فضية

    #1881079
    أختي ونة ..

    كيف اللي يسويه زوجها حلال ؟
    حلال انه ما يعدل ؟
    حلال انه يغصبها تزور زوجته و تكذب عليها ؟
    حلال انه يكذب على الطرفين و يخلي همه نفسه ؟
    :(

    حبيبتي ونة .. لو بكلمة الواحد ينسى .. كان طيب ...
    بس الطبيعي ان الانسان يمر بفترة قبل أن ينعم عليه الله بنعمة النسيان
    و خصوصا ان هالموضوع مثل الجرح اللي يتجدد
    كل يوم موقف وكل يوم جرح جديد

    لكن كلامك الثاني ماعليه غبار ابد ونا معك

    ((((( يعني ليه خليتي زوجك هو أساس حياتك..!!
    وخليتيه مثل الهواء اللي تتنفسين منه مالك غنى عنه؟؟!!
    يعني لو لاسمح الله بعد عمر طويل زوجك مات..
    بتحفرين قبرك جنبه وتموتين عمرك؟؟!!!

    ترى اللي تسوينه مايرضي الله ولا عباده..
    تبين زوجك يحن عليك؟؟
    وأنتِ ماحنيتي على نفسك؟؟)))))))))

  3. @on_khfook عضوة جديدة

    #1881168
    نصيرة المستضعفات على وجه الأرض..
    حبيبة قلبووووووووو ياسمينووووووووو..

    ليش ياعيوني خذتي كلامي بالطريقه هذي؟؟!!!!
    عيوني..هل أنا قلت حلال ظلمه لك؟؟
    هل قلت حلال إهانته وإهماله لك؟؟
    لاياعيوني..لاتحورين كلامي :06:
    هذا كلامي..

    حتى الأعمى عارف قصدي..وكلامي الباقي يثبت وجهة نظري..
    أنا قصدي زواجه حلال..وخلنا واقعيين ياقلبي..
    زواج الرجل نرفضه ونكرهه..لكن حلال..
    "....فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ
    فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلاَّ تَعُولُواْ"
    وطالما ذكره الله ورسوله مانقدر نعترض ونرفض أو حتى نناقش
    لمجرد رفض الفكره..وهذا اللي حللته..

    لكن ظلم زوجها وعدم عدله معها..هذا ربي بيحاسبه عليه..
    قال رسول الله صلى الله عليه وسلم يقول:
    "من كانت له امرأتان فمال إلى إحداهما جاء يوم القيامة وشقه مائل))

    لكن اللي حرمته ظلمها لنفسها..
    حرام اللي تسويه في نفسها..
    تحبس نفسها في الحزن والآلم والآهات والحسرات
    عشان شخص ماضرب حسابها ولادرى عنها ولاهي بملذات الدنيا..
    تنساه وتسفهه وتطنشه وتعيش حياتها بعيد عنه والتفكير فيه وفي زواجه..

    وش أستفادت ؟؟!!
    هل حلت وضعها؟؟
    هل خف آلمها وحزنها؟؟؟
    هل إنتبه لها زوجها وندم على اللي يسويه؟؟
    هل غيرت أخلاقه وخلته على الأقل يعدل بينهم ويعطيها حقها؟؟!!!
    وش أستفادت غير الحسره والقهر الآهات والدموع..
    اللي تسويه يخلي الوحده تفقد الثقه بنفسها وباللي حواليها..
    والحزن يستعجل بالأمراض النفسيه والعضويه..
    يكبر الشخص قبل أوانه..وتبدأ التجاعيد حتى لو كانت شابه..
    ليه؟؟
    من تفكيرها وسلبيتها على نفسها..
    من وجهها اللي مكشر 24 ساعه..
    من حزنها ودموعها..
    من إحساسها باليأس والضياع..

    وبكذا..مو بس زوجها اللي ضاع من بين يديها وظلمها..
    حتى هي بتضيع نفسها من ظلمها لها.!!

  4. @yasmyn_2 محررة فضية

    #1881454
    لا حبيبتي ونة ... يا نصيرة المظلومات مثلي ... جعلك سند لي :)

    الزواج الثاني حلال لو يعدل

    بس لو ما يعدل ... زواجه يكون حرام ولا حلال يا ونة :(؟
    هذه مافيها كلام يا ونة .. مستحيل يكون زواجه حلال



    و من الطبيعي ان الزواج الثاني يؤلم المرأة .. بس لما ما يكون فيه عدل .. فاللي يصير فيها شي طبيعي ... يصير الجرح جرحين ...
    مين يقدر يبتسم في ظل الظرف اللي تمر فيه ؟؟ لو نظل ننصح فيها من اليوم لبكرة ابتسمي .. ماراح تبتسم .. ولا احنا اللي قاعدين ننصحها نقدر نبتسم لو صار فينا زيها :44:

    صحيح الكلام اللي تقولينه زين
    لكن ما راح تقدر تطبقه بشكل فوري
    لازم لها فترة تفضفض فيها .. وتلقي بحملها على اقرب الناس لها ..
    و بعديييييييييييييييييييييين .. لين تعبت من البكاء .. صدقيني هي بنفسها راح تفكر بهالنصايح




    حسبي الله ونعم الوكيل

  5. @alhnyn_al_alotn عضوة فعالة

    #1883319
    حبيبتي اللة يفرج همك
    واللة اني حزينة عليكي



    اللة يحنن قلب زوجك عليكي
    اميييييييييييييييييييييييييييييييييييييين

تابعي تجارب أخرى من هذا القسم.