أتمنى أتساعدون صديقتي في حل هالمشكله...

السلام عليكم

كيف الحال يا أخواتي الطيبات

أتمنى اني ما اطول عليكم في شرح مشكلة صديقتي...

صديقتي ووووووايد طيبه وعلى نيتها هي متزوجه من سنه ونص وما عندها عيال والله يرزقها ويرزق الي ما عندهم عيال وساكنه في بيت اهلها زوجها باني لها غرفتين عند اهلها وفي بيت اهلها اخوانها اثنين متزوجين
وحريم اخوانها بنات عم زوجة الكبير عندها 6 عيال اما الثانيه عندها بنت المشكله يا اخواتي انه صديقتي تشكي عليه وايد على زوجة اخوها الثانيه انها اي شيء يصير في البيت اتخبر زوجها عنه مثلا يا اخواتي صديقتي عندهم عرس لأحد من الأهل راحت صديقتي هي وزوجها السوق واشترت لها ثوب مغربي بـ 500 درهم اول ما ردت البيت حريم اخوانها قاموا يسألونها شو اشترت وهي على نيتها اي شيء تشتريه اترويهم ياه وتقولهم السعر والمحل وعادي عندها اتشوفهم مثل اخواتها..

المهم يا اخواتي انه زوجة اخوها الثانيه راحت عند زوجها وقالت له اختك اشترت ثوب مغربي بـ 1000 درهم وراحت الصالون وقصت شعرها وصبغت وانا اريد اروح الصالون يوم العرس واريد منك 1000 درهم علشان الصالون...

طبعا زوجها راح عند امه وقالها الحرمه تبي فلوس للصالون 1000 درهم والله هالاعراس خساير وغير كذا بنتج ما يجي منها الا الخراب مشتريه ثوب بـ 1000 درهم علشان يوم واحد طبعا الأم انصدمت من كلام ولدها لانه الام كانت معه بنتها وزوج بنتها يوم اشتروا الثوب قالت له مين الي كذب عليك وقالك انه الثوب ب 1000 درهم انا كنت معه اختك اشترته ب 500 درهم وقالت له امه الصالون ما يبي له 1000 درهم اذا هي بتسوي تسريحه او مكياج 500 درهم تكفي

يا اخواتي انا قلت لصديقتي ثاني مره يوم تشترين شيء لا تروينهم ياه ولا تقولين لهم انج اشتريتي شيء لانه حريم اخوانها اذا شافوا شيء عندها راحوا يقولون لازواجهم اختك اشترت وزوجها سوالها واشترالها وهي مسكينه على نيتها معاهم ...وهم من وراها يتكلمون عنها ...

وفي مره قالت لها زوجة اخوها الكبير انا اريد أسألج شو اتسوين لزوجج على طول يسمع كلامج واي شيء تبين تشترينه يجيبه لك قالت لها ما اسوي له شيء اقوله الي اريده والحمدلله زوجي متفاهم ...وعلى فكره زوجها يحب يمشيها وايد يطلعها ويروحون مشاويرهم معه بعض وزوجات اخوانها ما يطلعون وايد نادرا لانه عندهم عيال وازواجهم ما يطلعونهم الا لو في شيء يبونه ...واحس انه عيونهن عليها في الطلعه والرده ..

يا اخواتي انا خايفه عليها من العين من زوجات اخوانها...

بعد ما قلت لكم عنها بشو تناصحونها ...^_^