أتمنى الكل يدخل , ويعرف ما قاله لي شيوخ الحرم المكي ...

السلام عليكم ورحمة الله وبركاته

كيف حالكم يا بنات حواء ...

بصراحه لفت إنتباهي كذا مره وأنا بأقرأ إن البعض يقولو (إذا أجهضت الوحده المفروض ما تصلي لأنها في فترة نفاس )

أخواتي أنا قبل فتره أجهضت وكنت حامل ب(شهرين ونصف) يعني تقريبا(76) يوم كان .

وسأل زوجي كذا شيخ من شيوخ (الحرم المكي الشريف المعروفين) بخصوص الصلاه .

وقالو الشيوخ ( إذا كان الحمل في أكثر من 80 يوم لا تصلي المرأه)

(واذا كان الحمل في أقل من 80 يوم لابد أن تصلي )

وقال له زوجي إن حملي ب(76) يوم , فقال الشيخ ( لازم تصلي )

واختي استفسرت من الشيخ (لأنها قبل 4 سنين أجهضت بشهر ونصف وما صلت إلى ان طهرت ) فقال الشيخ لها لازم تقضي الايام ايلي فطرتيها , وطبعا أختي ما هي متذكره بالضبط كم يوم بس ايلي تقريبا اتذكرته (اسبوعين) وقضتها .


عشان كذا أخواتي الحبيبات قلت لازم أنقل لكم ايلي سمعته من شيوخنا .. وشكرا