السلااااام عليكم ورحمة الله وبركاته
أخواتي حبيت أكتب لك عن معاناتي مع بنتي اللي عمرها أربع سنوات وشوي 00 مشكلتي اني فطمتها من الرضاعة الصناعية بدري يعني على سنتين ونصف لأن اسنانها الامامية اختربت وما دريت انها بتحط حرتها في اصبعها 000 وما قعد وسيلة الا واتبعتها أنا وأبوها من كان عمرها 3 سنوات ونصف تقريبا أول شي ضرب خفيف وبعدين نزعل عليها وما نشتري لها شي وبعدين رجعت لها المرضاعة!! تخيلوا علشان تترك مص اصبعها وللأسف قامت تشرب المرضاعة وتمص اصبعها :D
وآخر شي شريت دواء من الصيدلية نسيت اسمه والله بس هو مثل مناكير الأظافر و طعمه يلوع الكبد 00 وحطيت لها منه لكن نفسيتها تعبت وقامت ترجع أي شي تأكله وطبعا خفت عليها 00 وكنت قاريه في المنتدى إن الطفل إذا كبر موب زين تجبرينه على شي لأن العامل النفسي له دور000
وبعدين جاء الفرج من الله بفكرة ماأدري شلون طرت على بالي 000 قلت لها ترى إذا مصيتي اصبعك فمك بيخترب وكل يوم بيكبر شوي لحد ما تصيرين غوريللا 000 قامت المسكينه خافت وخبركم البنات يحبون الزين والتعدل 00 قالت إنتي تقصين علي 00 قلت بتشوفين صورتها في المجلة عند خالتك لما نروح لها ووصيت خالتها تقول نفس كلامي لما نزورهم وتقول لها بادور المجلة 00
حبيبتي قامت تدور في كل المجلات تبي تقتنع وحاولت إنها تنام بدون ما تمص اصبعها لكنها طلبت المرضاعة وعطيتها بشرط مرة عند النوم 00 وبعد الحمدلله جا الفرج لأن ضرسها التهب في نفس اليوم ووديناها طبيب الأسنان (عدوها الأول) وما يحتاج وصيناه عليها وقال لها هذا من المرضاعة لأن المرضاعة تعرف الطفل إذا كبير ولا لا 00 وترى إذا شربتي مرضاعة مره ثانية بيصيد باقي الضروس وبتجين كل يوم عندي!!!
:icon28: الحمدلله تركت مص الاصبع والمرضاعة بس كنت ألاحظ عصبيتها وأحاول أحتويها 00 وفي الليل بعد ما تنام أحط على أصابعها من الدوا لأنها كانت تمص اصبعها بدون ما تحس
وتوته توته وخلصت الحدوته 000 أتمنى أني أفدتكم ولو بشي بسيط من هالتجربة والله يعين كل أم عندها طفل يمص اصبعة لآنها معاناه :(
وعلى فكرة كل ما كان الطفل عمره صغير سنتين و تحت أسهل تفطمينه بهالأدوية منه لو كبر وبدا يفهم :baby2:
وسلالالالالالالالالالالالالام
يلزم عليك تسجيل الدخول أولًا لكتابة تعليق.
أم عبد العزيــــز
•
الله يجزاك خير
مشكوره ام الحلوين ولو انا قايه موضوعك مافتحت موضوع جديد
وتصدقين بنتي جبت لها الدوا ولفيت عليها وانا بالمطبخ ولقيت الاصبع بفمها وعمرها سنتين الا شهر الله يعينا
وتصدقين بنتي جبت لها الدوا ولفيت عليها وانا بالمطبخ ولقيت الاصبع بفمها وعمرها سنتين الا شهر الله يعينا
:27: أم عبدالعزيز ،، أم عبادي ،، أم الحلووووووين (الله يخلي لنا الحلوين))
مشكورين حبيباتي على المرور000
وترى كل ما قويتي قلبك وفطمتيه وهو صغير يكون أفضل 00 ابني كان مدمن على اللهاية وفطمته وهو عمره تقريبا سنه والحمدلله نساها على طول عكس بنتي اللي فطمتها على كبر وسببت لها ولي عقدة نفسية لين طلعت لها بحيلة الغوريللا :30:
مشكورين حبيباتي على المرور000
وترى كل ما قويتي قلبك وفطمتيه وهو صغير يكون أفضل 00 ابني كان مدمن على اللهاية وفطمته وهو عمره تقريبا سنه والحمدلله نساها على طول عكس بنتي اللي فطمتها على كبر وسببت لها ولي عقدة نفسية لين طلعت لها بحيلة الغوريللا :30:
فعلا شكرا على الافادة
اعتقد ان لكل طفل طبع خاص
يعني انا بنتي مثلا تنام بالمصاصة واذا غابت المصاصة تضع اصبعها السبابة
عمرها الان ثلاث سنوات
افكر متى وكيف ابدا بشن حرب على المصاصة والاصبع معا
اعتقد ان لكل طفل طبع خاص
يعني انا بنتي مثلا تنام بالمصاصة واذا غابت المصاصة تضع اصبعها السبابة
عمرها الان ثلاث سنوات
افكر متى وكيف ابدا بشن حرب على المصاصة والاصبع معا
الصفحة الأخيرة