السلام عليكم :أنا بكتب مشكلتي ,انا متأكده إنو فيه بنات كثير بيشوفوا إنها عاديه أو مالوا داعي أكتبها بس والله ماقررت أكتب إلا وأنا محتاجه أحد يفهمني ويحس بمعاناتي....
أنا أحب زوجي وبجنووووووووون لدرجة إني ماأحس فيه احد أهم أو أغلى منه وماتوقعت إن حبي لزوجي مشكله!!!!
بنات لو نزعل من بعض ولو مو أنا الغلطانه ماأرتاح إلا إذا كان راضي وهو بطبيعتة إذا زعل أو تضايق مايتكلم إلين يروووق
وأنا ماأقدر أصبر ...دايم أقوله أحبك وإذا مو موجود أرسله مسج إغصب عني مو بيدي أفكر فيه 24 ساعه ....مايفارق خيالي ...
والمشكله إني اشوفه غير عن كل الناس مستحيل يغلط...دايم أسمع الحريم يتكلمن برجالهن وبيني وبين نفسي أقول الحمدلله على ماعطاني...الآن هو مسافر خارج المملكه بعثه وضروف دراستي منعتني أروح معاه وهذا إلي ذبحني مو لأني مارحت معاه لا!! كلام الحريم ذبحني كل ماقعدت بمجلس يقولن من كلامهن إلي زي العسل!!!!!
أنا أثق فيه كلمه نفسي أصرخ فيها وأسمعها للكل بس أحس إني بقصر لو أتكلم أحس إني ماراح أوفي هالإنسان حقه..
الرجال كلهم زي بعض..المرأه لازم تعرف زوجها وين يروح ومع مين و..و..و...’الرجال كلهم ماينوثق فيهم..الرجال مالهم آمان وغيره وغيره من الحكي إلي مليييييييت وأنا أسمعه, صرت أخاف إني مضايقه زوجي من كثر حبي له وثقتي فيه..وصرت أخاف من أشياء كثيره!!!!
أنا أسأل نفسي ,اسألكم ,أنا غلط أنا حبي لزوجي أعماني وصرت ماشوف ,,,أو هالحريم وكلامهم هو الغلط...
من جد أنا تعبانه ومحتاجه أحد يحس بالكلام إلي كتبته ولي خاني التعبير في إني أوصله والكلام إلي لسى بقى بقلبي وماكتبته ....آآآآآسفه طولت عليكم ويمكن مليتوا؟؟؟؟؟!!!!!!
أم عـبـودM @am_aabodm
عضوة نشيطة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️