السلام عليكم
عندي أمل أنه بنت حلال تساعدني لأني حزينة و بدون تجريح أرجوكم و الله يعلم إني ما أمدح بنفسي
بنات أنا مشكلتي إني المفروض حلوة بس ما يبان علي ما أدري كيف أفسر .
يعني عندي مواصفات اللي المجتمع يبغاها من طول و لون بشرة و نوع الشعر و تفاصيل وجه إلخ بس ما أحس أني حلوة رغم أن الناس تمدحني بس أنا أحس نفسي عادية و أقل من عادية و دوم أشوف إني مهما سويت ما يبين في و لولا مدح الناس ما أشوف جمالي أبد و السبب ربما قلة إهتمامي بنفسي و شكلي و سبب ذا الشي إني أصلا ما أشوف إني أستاهل . يعني لا جيت أسوي شي في عمري أقول أصلا ما يبان فيني . بنات قلة إهتمامي في نفسي زادت من مشكلة إنعدام الثقة عندي . شي ثاني عندي عقدة و هي لون العيون و لا تضحكون علي .. أشوف إن إذا واحدة لون عيونها مب رمادي ناااااااقصة و العدسات ما تنفع لأنه عندي أنا لازم تكون طبيعية لون عيونها رمادي .. مب أزرق و لا أخضر و الله لو لونهم يجنن عندي أنا إذا مب رمادي و طبيعي جمالها ناقص و أنا لون عيوني عسلي طبعا من فصيلة البني يعني ما شي علاقة مع الرمادي لا من قريب و لا من بعيد.. مرات أحاول أهتم بنفسي بس ما ألاقي دافع أتكاسل. أبغى حد يشجعني . و الله بدون احتقار و لا استعلاء بس أشوف بنات نصيبهم من الجمال مب أكثر مني بس من الاهتمام يبينون ملكات جمال . أنا صرت مقتنعة إن الاهتمام يكون طبيعي بنات تحب تهتم و بنات ما تحب . السؤال شلون أصير نفسهم من ناحية الاهتمام ؟ أبي حد يشجعني عشان أبطل أتكاسل و أصير مهتمة بس وشلووون ؟:44:هل أنا الوحيدة اللي تعاني من ذا الشي ؟:(
sososayma @sososayma
عضوة فعالة
يلزم عليك تسجيل الدخول أولًا لكتابة تعليق.
مشكورة يا الوهج صدق أنا مشكلتي إني دوم أنزل من نفسي لا جاءت فكرة حلوة عني في راسي أشيلها أخاف أني تكبر أخاف أكون مغرورة خاصة لو على و لا شي ..بس الثقة تغيييييرررر و الله أشوف بنات عاديات بس مقتنعآت إنهم ملكات جمال و المشكلة إني أنا بعد اقتنعت وياهم !!! و لما أحاول إني أمدح نفسي بيني و بين نفسي ما أقدر .. أتمنى يكون عندي ثقة و حب الذات مثلهم :44:
زائرة
•
على قولتهم شين مزين ولا زين مهمل
اهتمي بنفسك جمال البنت في اهتمامها وعنياتها واسلوبها واخلاقها
اهتمي بنفسك جمال البنت في اهتمامها وعنياتها واسلوبها واخلاقها
الصفحة الأخيرة
ماعندي كلام فقط احمدي الله على كل نعمه بك الجمال وغيره ماراح يدوم ياقلبي واكيد ان جواك احلى قليل من الثقه بنفسك بينعكس على وجهك ويبان اشراقك ..
كيف تعتنين انتي انثى والانثى دائما جميله اذا بشرتك حلوة اهتمي باكلك الصحي مارسي رياضه بخي ماء ورد عليها ابرزي لون عينيك ولاتعدين الرمادي كمال او نقص البصر بحد ذاته نعمه من الله بغض النظر عن اللون
جسمك اهتمي بلبسك ودوم قولي ماشاء الله لبسي اليوم حلوو واكيد بتكون لي طله تدربي على ان تكون لك طله حلوة بالمشيه وغيره ..
واحمدي الله دوم واقراي على نفسك اسفه لو طولت او ماوفيتك حقك اتمنى اكون. افدتك بشيء بسيط