اشتري لسان الثور ( عشبة دوريها عند العطار ) وانقعي ملعقة صغيرة في كوب ماء مغلي وخليه يشرب كوب في الليل بيتحسن باْذن الله

لا لا ياعمري.. خطأ اللي تسوينه في نفسك.
مشكلتكم ان شاءالله بسيطة وربي بيفرجها بإذن الله بس انتي توكلي على الله.

ياما حريم عايشين عيشة ظلم وقهر وضرب من ازواجهم ومع ذلك صابرين ومحتسبين.
انتي احسن من غيرك بمراحل الحمدلله
فكري بطريقة ايجابية ومافي داعي تجيبين المشاكل لنفسك. ساكت ومايتكلم اهون من اللي يتكلم ولسانه سليط ع زوجته.
اشغلي نفسك بأشياء تحبينها وجهزي كل يوم برنامج حلو تتفرجون عليه مع بعض وعلقي ع البرنامج تعليقات بسيطة. زوجك ما يحب يتكلم كثير فلا يحس انك تجبرينه ع الكلام. يمكن عنده مشكلة وعدم ثقة في النفس ويحس بنقص في شيءمعين انتي ماتعرفينه. عززي ثقته في نفسه. امدحي شكله ولبسه مثلا وشوفي ردة فعله هل بينبسط ويتجاوب معاك او لا!

حبوب الاكتئاب ميه بالميه تسبب برود من اهم اعراضها ترى..


واعتقد زوجك مو منتظم فيها لانه مايبغا يفقد الفراش بينكم مره وحده فهمتي مع انه طريقته غلط ومدمره لصحته..


ماادري اذا صحيح انك تصارحيه وتحاولين توقفين معاه حتى يتعالج وتعدي الازمه..


انا اشوف انك تحاولين تحسسينه انك معاه وتحبينه وشاريته ومستعده توقفين معاه لاخر حد،


وكلمي مستشارين وناس فاهمه يعطونك حلول تساعدك وينصحونك لانه التعامل مع مريض الاكتئاب دقيق جداً..


والانفصال شيليه تماما من بالك، لسا في بداية حياتك وفي طفل بينكم لازم تجربين وتحاولين وتطرقين كل الابواب قبل تلجأين للحل الاخير..


والدعاء الدعاء الله يفرج همك ويشفيه ويصلح لكم حياتكم يارب ❤

الله يشفيه ويعافيه ويسخر قلبه لك

خلاص اذا زوجك محترم اتركيه فحاله مافيه حد ياخذ حبوب كذا اكيد عارف وضعه احيان الحبوب مره او مرتين بالاسبوع احيان
يوميا احيان نص حبه يوم ايه ويوم لا
لاتحشرين نفسك فيه اخذ اجازه خلاص يريح يكسر الروتين
انا زوجي يخرب نومه ويواصل اخواني نفس الشي ماعمرنا جينا وقلت ليش كذا
الحياه مايبي لك تلزقين بالواحد حتى الزوج يبي له مساحه حريه
يمكن نقاشك يطفشك ليه وليه
بعدين لو لبستي وسويتي كل شي ممكن ماتجذبينه كذا من ربي
انا لي فتره اقرا لك انه ماينام معاك الا كل فتره
ترى معدل اللقاء بين الزوجين ماله مقياس لانه شي نفسي
لاهو يومي ولا كل يومين ولا كل اسبوع لين اسبوعين طبيعي جدا فيه بيوت قايمه بدون علاقه ولقاء بين الزوجين انتي وضعك طبيعي كل فتره يصير
مافيه شي يقتل انوثتك !
اللي يقتل الانوثه الضرب والكلام الجارح والسب والشتم
الحياه الزوجيه مو كلها علاقه الحياه الزوجيه العلاقه جزء منها وهي فطره بس الاساس الاحترام
لما زوجك معاي جميل كاف خيره شره ويصرف وحبيب اسكتي
لاتخربين بيتك واصلن انتي ماراح تتركينه كلام بس لو يوديك كلام
لو يوديك بيت اهلك انجنيت
اذا انتي حرمه ومره ماتبينه اقدمي ع هذي للخطوه لان زوجك طبعه هادي ومسالم
اما اذا تبيته وكل مره تناقشينه بشي هو مايبي فتراه بيكرهك ويحسك حنانه وبينفر من البيت
اسكتي عنه وعيشي حياتك تروح لأهلك طولي عندهم روحي لصديقاتك
من اللي الوقت هذا تجلس في بيتها كل البنات لهم علاقات اجتماعيه وزيارات
ابعدي شوي عنه عشان يتجدد الشوق بينكم
وخففي ملاحظات ولاتقولين عشان الحمل ونفسيتي الحامل مو مريضه نفسي كل شي تعلقونه عليه
سوء تصرف الشخص او عدم فهمه للطرف الثاني هو اللي يجيب الضيق والمشاكل
خلي لك ورد يومي من للقران لايجي شهر الا وانتي خاتمه
مع اذكار الصباح والمساء والذكر هالشي لك انتي ولحياتك وطاعه لربك ونظام جميل لك
مو عشان زوجك وربي يرجعه لك وكلام حريم اللي يقولونه
خلك مع ربك دايم وتشوفين الحياه قدامك
افهمي شريك حياتك بما انه محترم معاك وحافظي ع بيتك
نصيحه من اخت لك لو قسيت معاك فأنا اشوفه مو سي
واللع يصلح حالك واحوال بنات المسلمين ويوفقنا وياك لكل خير