haha2010 @haha2010

عضوة نشيطة

أتمنى من كل حواء حكيمه تتفضل هنا..

السلام عليكم ورحمة الله وبركاته .. كيف حالكم يابنات أن شاء الله الجميع بتمام الصحه والعافيه ..

أنا بقولكم سالفتي وأبي نصائحكم وراح أتقبلها بكل رحابة صدر...

انا ساكنه عند أهل زوجي وفي يوم من الأيام كانت تبي تجيني وحده من البنات طبعا أنا بستقبلها في بيت أهل زوجي المهم أني كلمت على خالتي وقلت لها ان صديقتي بتجي فحياك الله ياخاله .. طبعا خالتي كبيره بالعمر وماراح تنبسط مع بنات صغار أعتذرت عن الجيه وعندها بنتها الكبيره بالبيت فقلت لها وفلانه ماتبي تجي أحترام لها ولوجودها بالبيت قالت انها مرتبطه مراح تجي المهم أتصلت علي صديقتي وسألتني قالت بيجيك أحد(هي أول مره تجيني وتونا متعرفين على بعض ) قلت لها لا ولله قالت علشان ابشوف وش البس قلتلها مافيه الا انا وانتي خلي البساط أحمدي .. وقبل ماتجي الحرمه بدقايق دخلت أخت زوجي الكبيره علي في بيتي وقالت ان بنتي بتجي أنا تفاجئة من بنتها لأني ماقلت لها(بنتها متزوجه) ولاجبت طاريها .. المهم أنها جت بنتها لكن أنا تضايقت من هالحركه يعني سببت لي أحراج قدام الحرمه وحسية أن ماعندي خصوصيه بحياتي وحتى ماكلمتني البنت وقالت تراني حابه أجي اذا تبين مساعده بساعدك لأن أمها تقول تبي تجي علشان تساعدك بس ماشفت اي مساعده أنا حسيت ان الموضوع كله حب أستطلاع وبس .. المهم ان صديقتي جت وجت الثانيه وضايقتني كذا حركه منها قامت تستهتر فيني وتضحك علي قدام ضيفتي وراح أكتب لكم الموقف الي ضايقني وانا جالسه اقدم للبنت الحلا واقولها لاتستحين يافلانه كولي قالت لي يأختي لاتبلشين الحرمه خليها على راحتها وقعدت تضحك ثم قالت يوووووه شكلي فشلتك ياعمري أنا دايم ماألاقي رد غير اني اسكت ومشكلتي بوقتها مااعرف أتكلم بس لما تصير سالفه زي كذا اقول ياليتني قلت كذا وكذا ..
المهم بعد ماراحو قعدت أسولف على زوجي وقلت له أني مره تضايقت من تصرفاتها وبقولها مره ثانيه اذا تبي تجي تعلمني موب تفاجئني على الأقل تحطلي قدر وقيمه .. المهم زوجي فاتح أخته بالسالفه (أخته مطلقه وعايشه عند أمها) وزعلت أخته لأن زوجي يقول تهاوشت أنا وياها لأنها قامت ترفع ضغطي وانا كلمت أخته وقلت لها انا ماسبيت بنتك ولا شتمتها بس حبيت انها تعلمني وتعطيني خبر انها بتجي المهم قالت لاخلاص ماعاد اخلي بنتي تجي لمكم لاجاء احد وهي قصدها تبي تساعدك ومن هالكلام المهم أنا ماادري هل أنا غلطت ولا انا صح واحيانا احس اني غلطانه والشيطان لعب علي ولله احس بتأنيب الضمير دايم من هالسالفه مع اني مسالمه جدا وأحترم أهل زوجي مره وزوجي يقولي انتي موب غلطانه ولايضيق صدرك وهويقول أهلي موب سهلين يعني لو صايره السالفه لهم مراح يسكتون لأنهم بعد هالسالفه مايسلمون علي زين ولايتكلمون معي واحسهم قرفانين مني ...

ولله يأنا طولت عليكم عاد مختصره الموضوع مرررره بعد الله يعين أن شالله ..

أنتظر أرائكم عزيزاتي ومع ألف سلامه ...

يلزم عليك تسجيل الدخول أولًا لكتابة تعليق.

تسجيل دخول

( خرافية الحسن ) • 13 سنة

ياأختي الظروف اتغيرت مدري الواحده ماتكلفها المكالمه شي
عيب والله لازم الإستئذان ,,, ماأروح لأحد حتى ابلغه قبلها بيوم
ومايجيني احد حتى يبلغني قبلها بيوم ,,,

haha2010 • 13 سنة

حياك خرافية على قولتك الأستئذان مطلوب انا طبعي كذا ماأحب اروح لأحد ماقالي يعني أحس فيها فرض نفس .. بس الناس أجناس شاكره لك تواجدك عزيزتي الحمدلله اول وحده معي نشوف الباقي ..

-أنامل ناعمه- • 13 سنة

والله ياقلبي انتي ماغلطتي
وتبين رايي؟؟
لاعاد تعزمين احد الا خالتك ام زوجك
والباقين مو لازم
اما اذا كانو ينادونك اذا جا لهم خوياتهم
فلك حق تعزمينهم

haha2010 • 13 سنة

حياك أنامل ولله اذا على العزايم انا خلاص أعتزلت العزايم لين أطلع في بيت لحالي أفضل لي ...
وهم يعزموني بس مو دايم يعني لهم خصوصيتهم بحياتهم .. شاكره لك تواجدك عزيزتي

كرز مركز • 13 سنة

هلا حبيبتي ..... عداك العيب بيتك ومن حقك تختارين الي يدخلونه بسسسسسسس غلطتي في انك دخلتي زوجك في الموضوع المفروض هذي سوالف حريم وتتم بينكم وحليها بمعرفتك لان الي سار انهم حقدوا عليك لان المشكله سارت بين ولدهم واخته والموضوع بسيط .
نصيحتي لك عن خبره خلي مشاكلك مع اهل زوجك بينك وبينهم خصوصا اذا كانت بسيطه ولا فيها تعدي عليك بشي كبير ..والاهم انك ماتعبين قلب زوجك على اهله وتحطيه بين غلاتك وغلاتهم ترا شي صعب ورح ينعكس على حياتكم ... اسال الله لك حياه هانئه