أثر تفركش الخطبة على البنات

مرة كان تقدم لي شخص من قرابنا وكنت مرة اتمنى يتم الموضوع خصوص هو فيه كل اللي اتمناه فزوج المستقبل إلا شيء واحد ماكنت اعرف انه فيه وهو خيانة الامانة.
كان فجأة اشوف تفركش موضوع خطبتي مع ان الكل يدري باقي بس العقد واشوف إلا خطب وحدة قريبة مني مرة وهالشيء فقع قلبي خاصة انهم تزوجوا عن حب يعني انا مانحب مدري ليش تعرف عليها وحبو بعض طبعا انا بيئتنا كانت مختلطة نوعا ما يعني هو شافها دون عباية وكانت تزين كل يوم لما يزور قرايب له بنفس البيت....كان صديق ابوي مررررة حتى معطيه ابوي حسابه البنك قام استغفل ابوي وأخذ من الحساب مبلغ لان ابوي كبير مايعرف كان للبطاقة وماعنده غير اخوي صغير مايعرف بعد ...كان توصل ابوي رسالة انه تم سحب مبلغ وراح البنك يسأل وقالوا له اللي سحب عرفه هو وهو موظف بالبنك بعد وسبحان الله حرامي..وقالوا لابوي وش تبغى نسوي له ابوي تنازل عنه وبعد كم شهر اختفت سيارة ابوي القاها محروقة بمكان بعيد .
المهم انا ابوي عطاني شريحته كنت أدرس ومحتاجة شريحة لان شريحتي فجأة لانقطعت ولما شغلته لقيت فيها رقمه ضمن الأرقام وليت مالقيته كان يطلع لي الفيس بوك حقه لان الرقم عندي ودخلت فتشت حسابه ومت قهر😭💔
كان اشوفهم مشبكين حسابات بعضهم وحاطين قلب ودبلة حسيت نفسي حمارة اني كنت اتمنى اتزوج انسان كذا طبعه الغدر
مع اني ماكلمته ابد ولكني متعلقة بموضوع الخطبة لاشفتهم مع بعض ينفقع قلبي مرة شفتهم ايام القرقيعان وانفقع قلبي من الغيرة انهم يمشوا مع بعض كذل زي العشاق وانا توي كنت انخطبت مرة ثانية ومفركشة خطبتي وهالشيء مرة قلب مزاجي من القهر.
مدري كيف اطلعه من مخي وليش هو جالس فمخي رغم انه ما بيننا شيء ؟؟؟ بس انها كانت صدمة لي انهم يخطبوني اول وكل العايلة تدري وبعدين يتزوج الغير كانت اقرب وحدة لي مرة شيء يفقه القلب وانا كنت توي صغيرة ينفقع قلبي كذا والناس كلها فرحانه إلا انا خيبة بينهم😭💔
رغم اني تزوجت ولكن للحين مفقوعة قلبي وغيرانه وعالق فمخي والشخص الله يسلط عليه.
كان افتح الفيس بوك بعد كم سنة مالقيت حسابه مع اني اراقب بصمت ماشفت الا اختفى حسابه من البحث ماعارفة كيف مع ان من زين حسابه اصلا هو مسوينه الحركة عشان يقهرني لان مافي احد يسوي كذا غير الاجانب قلب وحركات ولكن الشيء اللي يريحني ان ادري بينهم مشاكل احس ارتاح قلبي شوي ..مع اني مو حاقدة ولاشيء ولايهمني.
تعلموا الاصول ماتنشرو موضوع خطبة ماصارت كاملة لان هالشيء محرج لو صار العكس للبنت .