السلام عليكم ورحمة الله وبركاته

حبايبي خواتي اعضاء احلي منتدي ... من تجربتي بقراءة سورة البقرة واللي انتظمت بقرائتها لي شهور خلتني والحمدلله من قبل ومن بعد انسانه ثانية تماما ... اولا كنت امر بظروف عجيبة غريبة بكل شيء وعلى جميع المستويات وبالاخير حصل لي ظلم بمكان عملي خلالي مخي يدور ويدور ويدور ... ومع هذا توكلت علي ربي ولي بالموضوع هذا كذا سنة وما مليت ولحد السنة اللي فاتت وانا بحاله ما يعلمها غير ربي سبحانه وفجأة نصحتني اخت تعرفت عليها صدفة وبنفس القعدة قالت اشياء عن الدين وتمت تنصحني مع انها ما تدري انا شنو فيني بالضبط وانا بعد ما تكلمت وكل ما سألتني قلت لها الحمدلله لو كل الناس ضدي ربي معاي ماراح اخاف ... بعدها قالت مشكلتها وان ما ساعدها غير قرائتها لسورة البقرة يوميا ومع السوالف مع باقي الحريم ولني صديت عنها علشان ما تسألني زيادة لاكن بالي معاها اسمعها وهي تدري وتمت تطالعني وانا اصد .... بالليل قعدت افكر فيها وبكلامها ومن كثر الهم والنفسية التعبانة طبعا ... المهم قمت وتحممت وبنيتي اني اقرا سورة البقرة وان الله يفتح لي ابواب رزقه وان يشفيني من كل مرض وسحر وحسد وعين وصليت وقريت سورة البقرة ما تتصورون يا خواتي اشكثر ارتحت وبكيت من قلبي وبعدها نمت كأن لي سنين ما نمت
ومن يومها وانا اقرا سورة البقرة يوميا واحيانا مرتين باليوم طبعا غير سورة يس والرحمن والواقعة وسور كثيرة ودايما ربي جدام عيني
والحمدلله حالي تغير فعلا تغير واقول لكل وحدة اعرفها ولا ما اعرفها نصيحة الاخت اللي شافتني بقعدة صدفة وسبحان الله كأن احد مرسلها لي علشان تقول لي عن فضائل سورة البقرة والله العظيم اني من هذاك اليوم وانا براحة شديدة ما اقول لكم مشاكلي انهت لا لاكن بالي ارتاح اشلون ما ادري واحس ربي معاي صدق .. سامحوني مو قادرة افسر لكم شعوري بس اتمني من كل البنات يحاولون يحفظونها لانها سهلة حيل ولا تخافون وتقولون انها طويلة
على فكرة الاخت اللي ذكرتها لكم صارت من اشوفها اركض لها ابوسها واحبها واحب اشوفها بعكس اول مرة شفتها ومع انها يمكن ما تدري بالضبط شنو صار معاي بس لها الفضل انها نبهتني لشيء كنت غافلة عنه او ناسيته
بصراحة قبل كنت اقرا السور بس من وقت لثاني لاكن الحين اذا ما قريت سورة البقرة بنفس التوقيت بالليل اتعب حتي لو اكون هلكانه من التعب وموقادرة وحاولت اني انام اتم صاحية لاني ما قريتها وياكثر ما قمت وقريتها وصليت الفجر وطلع علي الصبح وانا قاعدة ورحت الشغل مو نايمة
ادري بتقولون قالت لنا قصة حياتها بس انا حبيت افيدكم بتجربتي وياريت كنت اعرف هالشيء من زمان ياريتني كنت زمان اقرا سورة البقرة كل يوم لاني احبها حييييييل وكل السور والله لما اقرا القرآن احس بسعادة حتي عندي قرآن كبير لما افتحته كأني بعالم ثاني ... يارب تقبل مني قراءة القرآن واجعلة بميزان حسناتي واجعله شفيع لي .. اميييييييين

متفائلة2

هلا وغلا ..
وجُزيتِ خيراً على هذه المشاركة الطيبة .
جعلها الله في موازين أعمالك ..
وجمعنا الله وإياك في الفردوس الأعلى من الجنة ..
...

**أجمل إحساس**

* نورة نت *
rim alcham
الـــ عديل ـــــروح
فلانـــــــــــــــــــة
reemosa

بارك الله فيكم ..
وحياكم الكريم ..
وأسأل الله الكريم أن يجعل القرآن الكريم
ربيع قلوبنا ونور صدورنا وجلاء أحزاننا وذهاب همومنا وغمومنا ..
وأن يشرح صدورنا بطاعته ورضاه ..
آمين ..

...

هلا خواتي

احمد الله اني قدرت اتواصل معاكم في الموضوع

واشكرك ياوردة الخير على تفهمك..لاني بالفعل مو قصدي اتشمت باللي طلقها

لانها مثل ما قالت الاخت ملاك هي مسلمة وتشهد انه لا اله الا الله

بس انا حبيت اقولكم انه الله فرجها على الزوجة الاولى لحكمة ربي يعلم بها

بس يجوز من سرعتي بالكتابة ما وضحت هالشي

وعساها خيرة للي طلقها..يمكن هو مزواج وما راح تكون سعيدة بحياتها مع ضرة

الاخت ملاك اشكرك على التعقيب والتوضيح وما حصل الى الخير:26:

ونظل كلنا خوات متحابات في الله خلف هذه الاجهزة

الاخت فلانة والله ذكرتيني بنفسي

انا لما كنت بعيدة عن القراءن(اتكلم عن نفسي) كانت حياتي لاطعم ولالون

بالفعل من يتق يجعل له من كل ضيق مخرجا


تحياتي لكم:24: :26: