أجامل وابتسم واضحك وانا في داخلي مقهور

اجامل وابتسم واضحك وانا في داخلي مقهور احاول اكتم احزني ورى صدري واخبيها

احاول اكتم اهمومي واخبيها وانا مجبور واحاول قد ماأقدر ابعد عن حراويها
ااااااااااااااااااه يابنات هذي الابيات تحكي واقعي
الحمد لله على كل حال
احس بضيقه صدر مو طبيعيه وانا اعرف السبب لكن عجزت اسوي نفسي عاديه ومتقبله قلت مسألة وقت لكن الوقت طول والمسأله مانتهت...........
انا تزوجت من 5 سنوات اربع السنوات الاولى جالسه بالبيت ومن سنه تقريبا ادعي ربي يرزقني بوظيفه
الحمد لله ربي استجاب دعائي وجاني بدل معلمه وياليته ماجاني بالبدايه فرحت لكن لما باشرت صرت اكره التدريس واجي البيت معصبه من البنات ومن كل شي ولو بنت تسوي حركه بسيطه اضل افكر فيها يمكن اسبوع او اكثر
فكرت اكثر ن مره اتركها قلت يابنت مع الوقت راح تتعودي ويصير الامر عادي لكن مالاحظة اي تغير كل ماله الامر يزيد سوء مع ان المدرسه حلوه والمعلمات ماشاء الله والاداره لكن عن نفسي عجزت ارتاح خلصنا الترم الاول والحين الترم الثاني ولساتني على حالي قبل اروح الحصه ارجف كأن عندي اختبار واشرح وانا احس نفسي يضيع مع العلم اني ادرس ثانوي قلت الثانوي مايصلحولي يمكن الابتدائي ارحم لكن انا الحين مادري وش السبب اللي مخليني ماني طايقه اروح المدرسه مع العلم اني الحمد لله اقدر اضبط البنات بس مع هذا كرهت الروحه للمدرسه وايوم اللي يكون ماعندي حصص او دروس تلقوني اروح للمدرسه وانا فرحانه وماعلي ....
انا الحين غايبه لي اسبوع لان بنتي تعبانه يومين وتعذرت ببنتي علشان اكمل الاسبوع والحين الاربعاء وضايق صدري لدرجة اقوم من الليل وصدري ضايق اتذكر ان عندي السبت روحه للدوام
والله يابنات وماحلفتوني اني احيانا اقعد ابكي من ضيقة الصدر بس وش اسوي اجبر نفسي واروح اقول مثل ماراح الترم الاول راح يروح الترم الثاني .............لكن الله يعين ويصبرني تكفون لا تبخلن علي بنصايحكن وشكرا لكم لانكم تحملتوني