..
..
السلام عليكم ورحمة الله وبركاته
اخواتي العزيزات في الدين والمله .. حبيت اهديكم بعض النصايح خاصة للبكريات لعلها تنفعكم بعد الله وتعود لي بالأجر ان شاء الله
في الشهور الأخيره لاتقسين على نفسك بالمشي من نص ساعه لساعه تكفي مع مراعاة المشي السليم بشكل طبيعي مو مبالغ فيه ومع رفع الراس والتنفس السليم .. ولو تمشين عكس عقارب الساعه يكون أفضل ..
آخر اسبوع يحددونه لك في الولاده خففي من المشي وحاولي تسترخين وتدلكين نفسك بزيت الزيتون الدافي وارتاااحي عشان تلاقي جهد تدفعين به عند الولاده ..
إذا المستشفى اللي بتولدين فيه مايعطونك شراريب ولاده اشتريلك شراب ثقيل وطويل لفوق الركبه والبسيه اول مايقولون لك ولاده ..
لاتشربين اي شيء يساعد على الطلق الا بعد مايقولون لك الرحم انفتح اربع او خمس سانتي .. خذي ثلاجتك معاك وتقهوي في المستشفى وعيني خير ..
اللي بتحسينه الم غريب عليك عشان كذا بتخافين .. نصيحتي هدي نفسك ولاتشدين اعصابك لأنك كلما شديتي على نفسك صعبتي من الولاده ..
وقت الطلق اكتمي نفسك وتحملي كلها ثواني وتوقف .. لاتصرخين وتفتحين فمك يدخلك هوا وينتفخ بطنك زي ماصار معايه ..
اي شيء يطلبونه منك السسترات قولي طيب لاتقولين مقدر ولاتصرخين ولابتشوفين انواع الصراخ والمهاوشه اللي بتوترك زياده ..
لاتخلين احد يدخل معاك اثناء الولاده عشان لاتشيلين همه مع هم ولادتك .. خلك وحدك احلى حتى زوجك وامك لاتخلينهم يدخلون معاك ..
لاتقطعين الذكر والإستغفار وقراءة القرآن .. وادعي لكل من تعرفين وكل المسلمين ..
قبل الولاده باسبوع او اكثر ابتعدي عن الشاي والقهوه علشان ياخذ البنج مفعوله معاك ..
لاتتأثرين بأي قصة ولاده سمعتيها وتأكدي ان كل وحده لها وضعها والولادات ماتتشابه وسهولة الولاده من الله اولاً واخيرا ويعتمد بعد على صحتك وتغذيتك ..
جهزي للولاده من بدري حتى لو من الثامن عشان ماتجلسين تفكرين وترهقين فكرك خلي ذهنك صافي ..
خلي شنطة المستشفى في السياره تحسباً لأي طارئ ولفيها في كذا كيس ثقيل عشان ماتعدمها الشمس ..
البسي في المستشفى روب ثقيل او جلابيه باكمام طويله والاحسن تكون الوان غامقه ومش شفافه ..
اشتري كلوتات الدوره من الصيدليه وخذي اكبر من مقاسك بحبتين عشان الفوطه حقتهم كبيره واصلاً الكلوتات تجي صغيره ..
اول مايحطونك في التنويم بعد الولاده البسي لبسك الثقيل وغطي شعرك والبسي شراب قصير لأن المكيف رح يأذيك ..
لاتجلسين طول الوقت نايمه حاولي تطلعين تمشين ولو عشر دقايق ومشي صحي وسليم ..
لاتشربين مويه على طول واطلبي من اهلك يجيبون لك حليب حار فيه زنجبيل كثير مع تمر وعسل وخبز بيت وكلي الين تدفين بطنك ...
خذي معاك شماغ او طرحه ولفي بطنك من ثاني يوم ولا تشدين بقوة مره حبه حبه ..
خذي معاك عطر ورشي حولك بعد مايخلصون لك الخياطه بس ابعدي عن تحت يعني رشي حواليك من فوق بس ..
جوالك لاتنسين تخلين شحنه فل دائماً عشان لايتقفل عليك وتتوهقين ..
..
هذا اللي حبيت اطلعكم عليه واللي ماطبقت اغلبه اثناء ولادتي وتعبت جداً جداً اثناء الولاده لكن الحمد لله كل شيء بأجره واللي عندها ملاحظه أو زياده تضيفها مشكوره ..
ربي يسهل علي وعليكم ولاتنسوني من دعواتكم.. خلاص بدأ العد التنازلي
..
يبه شلونكـ @ybh_shlonk
عضوة نشيطة
يلزم عليك تسجيل الدخول أولًا لكتابة تعليق.
meemee9
•
جزاك الله خيراً
نصايح وملاحظات مهمة مشكورة ادعي لنا بالسلامة والسهالة ياربنصايح وملاحظات مهمة مشكورة ادعي لنا بالسلامة والسهالة يارب
يسلموااا
~دااانه~
•
شكرا عالنصايح المفيدة ولكن انا ضد عدم دخول أحد أفراد الاسره او الزوج بغرفة الولادة
بالعكس بيريحوني كثير وأنا بحاجه لوقفتهم معي لانه بيخفف مني الكثير
برضو لبس الشراب الثقيل قبل وبعد الولاده وتغطية الراس صراحه ماأفكر اسويها اصلا طبيا ماثبت هالشيء
انه ضروري يكفي تكييف الغرفة متوسط واللحاف ايلي علي ..
شكرا لك مرة اخرى
بالعكس بيريحوني كثير وأنا بحاجه لوقفتهم معي لانه بيخفف مني الكثير
برضو لبس الشراب الثقيل قبل وبعد الولاده وتغطية الراس صراحه ماأفكر اسويها اصلا طبيا ماثبت هالشيء
انه ضروري يكفي تكييف الغرفة متوسط واللحاف ايلي علي ..
شكرا لك مرة اخرى
الصفحة الأخيرة