أجمل القصائد بالبنت السعوديه وديرتي السعوديه

حبيت انقل لكم كم قصيده عن ديرتي وبنات ديرتي . . .

عندنا اغلى البنات...ما توصفهم صفات
دونهم حرب وممات...الشرف..الله اكبر

يابنات اهل القصيم...يابعد ذاك النسيم
فيكم الطبع القديم...والجمال الله اكبر


يا بنات اهل الحجاز...دونكم نار وقاز
من ظفر فيكم وفاز...الحظيظ الله اكبر


يا بنات اهل الجنوب...الفخر عز وثوب
تلبسونه فكل صوب...عزكم الله اكبر

يا بنات اهل الشمال...وصفكم صعب ومحال
بنتكم عز الرجال...والكرم الله واكبر

ويابنات ذيك الديار...اسمها الشرقيه صار
احلى شي بختصار...والفخر الله واكبر

ويابنات نجدي ونجدي...اصلكم عزي ومجدي
عندكم قلبي ووجدي...والسنع الله اكبر

لا تلوموني في بلادي...حبها ساكن فؤادي
ودام ذا المذن ينادي...للصلاه الله اكبر

ارضنا ارض الكرامه...وكل هاوي هي غرامه
ماتبي عيال الرخامه...الخلا الله اكبر

بين جده والمدينه...وبكل قريه وكل مدينه
شايب رافع يدينه...طائلن الله اكبر


بحمي بيتي وبحمي عرضي...ايه اموت وتحيا ارضي
ولين صلى الناس فرضي...ابتدوا با الله اكبر

افتخر اني سعودي...وارضي بانيها جدودي
ريحها ارضي وعودي...وعابدين الله اكبر

لا تلوموني فهواها...عاشق ارضي وسماها
والدمار للي نواها ...ألدمار الله اكبر

++++++++++++++++++++++++++++++++++
واللة لو جابو ا جميع المزايين ........من الخليج من اليمن وارض لبنـــــــان

والقاهرة مع ليبيا ما تكفــــــين ........ودمشق والمغرب وتونـــس وعمـــــــان

وبنت الجزائر والعراق وفلسطين.......وبنات افريقيا وبنجلادش والافغــــــــان

واسلام اباد وهندها والفلبيــــــن........ وبنات جاكرتا مع الترك وايـــــــــــران

والبوسنة مع كوريا وبنت برلين .........وبنت البرازيل وفرنسا والالمـــــــــــان

وبنات واشنطن ولندن وبكيـــــــن......... وبنت السوفيت واوربا واليابـــــــــــان

ولو اجمعوهن قدام عيني ملايين ........ ولو خيروني كلهن عندي ما لهن شان

يا جعلهن فدوة لمدعوجة العين ..........اللي خذت قلبي لها القلب ولهــــــــــــان

يا سائل عن دار محبوبتي وين ............ترى وطنها موطني عز الاوطــان

شعارها نخلة وبالوسط سيفين..................المملكة هي دارها ما لها اثمـــان
+++++++++++++++++++++++++++++++++++++++
قال لي في غربتي رجلٌ حسودْ

ما تحب من العذارى ؟

قلت يا هذا أحب السعوديّهْ

قال ما تهوى وآلاف السدودْ

قلت في سترٍ وأرواحٍ زكيّهْ
يُحفظ العقد الفريدْ

قال ما تهوى وفيها سوء نيّه

قلت لا بل غيرة الأنثى تزيدْ
تُكسب الرجل المحطّم معنويّه

قال ما تهوى وما فيها جميلْ ؟

قلت لو كشفت حجاباً سعوديّهْ
لسرى في الصخر أطماع الفحولْ

قال ما تهوى وفيها الرُكَب سودْ

قلت هذا الوسم سرّ الجاذبيّهْ ؛
من صلاةٍ وركوعٍ وسجودْ

قال ما تهوى وعشرات العيالْ

قلت هل تعرف معنى الأسريّهْ
أن ترى فيها إذا شبت الرجالْ
يرفدوا الظهر ويبقوها هنيّه

قال ما تنجب أمٌ في جهلْ

قلت كانت تلك عصرَ الجاهليّهْ
وهي الآن فقيهة جيلها
تهوى العملْ

قال لا تعرف معنى الرومنسيّه

قلت في كلماتها شهد هطلْ
مشيها ، نظراتها ، وحديثها
فيه أصل الأنثويّهْ

قال فيك تعصب وهوىً غريب

قلت لا يعرف قدر السعوديّهْ
.
.
.
.
.
......غير ابن السعوديّهْ

+++++++++++++++++++++++++++++
ماقد سمعتوا عن سفينة في بحر
والبحر موج متلاطم .. والخطر فيه متعاظم
ماسلم منـّه احد .. ماترك شي ٍ ابد
كودالسفينة وحدها
ماهزها موج البحر .. وان هزها
امسك بها ربانها
وابعد عن حماها الخطر .. بدينها وقرآنها
ماقد سمعتوا عن سفينة .. قويةٍ دايم عظيمة
بحرها هو الحياة والسفينة هي بلدنا
وعبدالله ربانها
ماقد سمعتوا من بنى هذي السفينة .. وكيف ؟؟
كانت غبار .. كانت جروح متناثره في كل صوب
ورغم الجروح جمّع شظاياها بيده
بامر العزيز
وافنى العمر ليل ونهار .. وارخص لها قلبٍ وروح
عبدالعزيز
عبدالعزيز اللي بنى هذي السفينة
اتعبت منه الدروب .. واشتكت منه الحروب
بالسيف ارسى شراعها
وبالحب قوى حبالها
ومن يومها .. رغم السنين .. تمضي السفينة في دربها
ماقد سمعتوا عن سفينة
قويةٍ دايم عظيمة
بحرها هو الحياة والسفينة هي بلدنا
وعبدالله ربانها
ماقد سمعتوا عن اهل هذي السفينة
عن كرم اهل السفينة .. عن وفاء اهل السفينة
وماقد سمعتوا عن قهر حسادها
وكيف انها للي نواها بالغدر ماتمهله
تجعله ذر ٍ هشيم مايمهله طوفانها
ماقد سمعتوا عن سفينة
ارفعت قدر البحر
ماقد سمعتوا عن سفينة
قويةٍ دايم عظيمة
بحرها هو الحياة والسفينة هي بلدنا
وعبدالله ربانها

+++++++++++++++++++++++++++++++++++++
أنا بنت من السعوديه لو كنـت تعلـم
أنـا الشريفـة أنـا العفيفـة بنـت الكـرام

وشرفي ما أبيعـه لـو كنـت تفهـم
وخوفـي مـن الله يمنعنـي مـن الحـرام

مـو كـل طيـر ينوكـل لحمـه لــو تحـتـم
ولا كــل غــزال مـتـروك صـيـدا لـلأنـام

من السعوديه أنا وبحكمك لا تعمـم
وفسـاد وحـده مـا يضـر رفيعـات المقـام

عمري ما كنـت ضحيـة لكـل مـن يسلـم
وعمـري مـا كنـت لعبـه بيـد اللئـام

أنا مثل الجبل صامـدة مـا استسلـم
ولا تهزنـي مـن شـاب كلمـة غـرام

ودرب الشـوك أنـا فيـه مـا أتقـدم
لأنـه متعـة ساعـة وحسـرة أعـوام

من قصة يوسف يا الغشيم تعلم
ومن الرسـول محمـد خيـر الأنـام

كلامك سمعته من جد أنا أتألم
وعرفت إن شرف البنت في الاحتشام

اسأل الله اللي با الحال اعلـم
يحفـظ بنـات السعوديـه مـن دروب الضـلام


++++++++++++++++++++++++++++
يالله ياخالـق اراضـيـن وابـحـار
الواحـد المعـبـود رازق عبـيـده

الخالـق الغفـار عـلام الاســرار
وفرق شعوب الارض فـي كـل يـده

وابدي واسولف من عذيبات الاشعـار
ابيـات شعـر والمعانـي وكـيـده

اشري وابيع واعـرف كيـف بختـار
واختار من جـزل البيـوت الفريـده

وذ كرتراث وعـز وامجـاد وافخـار
قبائـل تـومـن بـديـن وعقـيـده

وصلت حضارتنا على سطح الاقمـار
ابنـا الجزيـر والجزيـره مجـيـده

في ظل حكـام لهـم فعـل واشـوار
ال السعـود اللـي تفـك الضهيـده

نسل الزعيم الحاكـم العـادل البـار
مجـدد امجـاد الجـزيـره بجـيـده

حتى اصبحت حره وحنا لـه انصـار
في ظل اخو نـوره هنـوف سعيـده

وصارت لابو تركي بطولـه وتذكـار
والفخـر والامجـاد تبقـى شهيـده

وخلف لنا املوك لهم فعـل واخبـار
الشعـب واحـد والقيـاده رشـيـده

والامن بانينه علـى سـاس وجـدار
وقرو على العابـث عقوبـه شديـده

وحنا حماة الـدار مـن كـل غـدار
وما همنـا بطشـه وخبثـه وكيـده

قبـائـل مالحقـنـاهـم اوعـــار
وعشنا بهذي الـدار عيشـه رغيـده

والحمـد لله نحمـده سـر واجهـار
شعب تكاتـف مـن سنيـن مديـده

ودون الوطن جيش على كـل معبـار
لارفـرف البيـرق ونـادى عقـيـده

بشرق البـلاد وغربهـا دوم حضـار
وارض الشمال اللـي نفـوده مديـده

وارض الجنوب اللي تخيضر بالاشجار
جزيـرة فيهـا القبـايـل عـديـده

ارض بها قحطـان وافيـن الاشبـار
وياعـز منهـم بالشدايـد بسـيـده

واذكر عتيبه يـوم للطيـب مغـوار
لا ثـارت الهيجـا وقـرب ضديـده

وشمرهل الطولات والجـود مقـدار
اهل الكرم واهـل الفعـول الحميـده

وقوم اعنزه مروين الاخصام الامـرار
اولاد وايـل مـن عصـور عهيـده

ومطير قوم تكـرم الضيـف لا زرار
وياويل خصم فـي حراهـم وعيـده

واذكر قبيلة حـرب يانعـم الاخيـار
وتاريخهـم يحكـي سطـور مجيـده

وسبيع نعم القوم ووجيـه الاسفـار
××ن الدخيل ليـا ××ـن مـن طريـده

واذكر قبيلـة يـام والطيـب ينـدار
اهـل العلـوم الوافيـه والرشـيـده

ثم الرشيدي فـي الصعيبـات صبـار
علـى علـوم الطيـب فعلـه يزيـده

ثم الدواسر تجعـل الخصـم منهـار
عيـال زايـد عـز منهـم سنـيـده

ثم السهول اللي لها الطيـب مـدرار
وعن منهج العـادات ماهـي محيـده

ثم اذكـر العجمـان حمايـة الجـار
والمرجلـه والجـاه فيهـم عتـيـده

واذكر بني مـره طويليـن الاعمـار
مـا ينقـد المـري ولا لـه نقيـده

ثـم الهواجـر لابـة تقـدح النـار
اهل الركـاب اللـي خطاهـا بعيـده

واذكـر بنـي خالـد قبيلـة وامـار
قوم لهم في المجـد قـول ورصيـده

وبني تميم اللي لها الطيـب مصـدار
بنـي تميـم وكـل فعـل تجـيـده

ثم الزعوب اللي بها الخصـم يحتـار
شجعـان ماترضـى سـوا ماتريـده

العازمي وافي وفـي الطيـب بيطـار
روحه على كل المصاعـب صميـده

ثم الظفيري فـي المصاعيـب جبـار
والطيب والامـداح باصلـه وطيـده

ثم اذكـر الاشـراف بجـلال واكبـار
اهل الحجـاز اللـي تفـك الزهيـده

ثـم الهذيلـي لـه مواقـف ومنـدار
راعي الفخر راعي العلـوم السديـده

ثم البقوم اللي لهم جيـش وامهـار
ريف الضيـوف ليـا لفاهـم وليـده

واذكر ثقيف اللي لهـم مجـد وآثـار
ومهمـا حسبنـا مـن كـلام نعيـده

وبلحارث اهل العز بشهـود واقـرار
ا لحارثـي ياطيـب فعلـه وجـيـده

والمالكي معروف لا صار مـا صـار
في موقف اهل الطيب يبـذل جهيـده

واثني تحياتي عـدد وبـل الامطـار
علـى سليـم وكـل خصـم تكيـده

واذكر جهينـه هـل مواقيـف وادوار
تلقى الجهيني راسـم الطيـب بيـده

واذكر بلي والمجدله فعـل واظهـار
وتاريخهـم يحكـي فعـول فـريـده

وبني عطيه في المواجيـب حضـار
قـوم بوقـت الجـد قـوم عنـيـده

ثم الحويطي والكرامـه لـه اشعـار
ثـم الشـراري لـه فعـول مفيـده



وباقي جنوب الـدار والقـاف مـادار
باقـي علـى قلبـي كـلام واشيـده

زهران نعم القوم في وقت الاضـرار
والخصم عينه مـن لقاهـا سهيـده

والغامدي معروف له عـزم واصـرار
راعـي المراجـل والعلـوم المفيـده

وشمران قوم والجمايل لهـا اطـوار
وبلقـرن سـم للقـلـوب النكـيـده

والاكلبـي والمحلفـي مابعـد بـار
والحارثـي طيبـه وفعلـه يشـيـده

وبني شهر وبني عمر سيـف بتـار
قـوم علـى الاخصـام نـار وقيـده

والاسمري والاحمري صيتهـم سـار
بيـن القبايـل والمواقـف شهـيـده

واذكر عسير الهول ذربيـن الاذكـار
وابها احتموهـا فالسنيـن الشديـده

وادهم والصيعر علـى حـد الاقطـار
يحمون حد الدار مـن اللـي يريـده

وامشي مع الساحل مع جمله افكـار
رسمتهـا والطـيـر زان اتغـريـده

وانزل على جيـزان تاريـخ واديـار
ورجـال فيفـا والقبـايـل عـديـده

وارجوا العذر واهل المواجيب عـذار
الي نسيتـه مانذكـر فـي القصيـده

الواهبـي عـدد ابيوتـه بــالادوار
مـن شاعـر ماشـل قلبـه حقيـده

شهران ربعي هم هل المـدح والكـار
واهل الكند واهل السيـوف الجديـده

يـوم البلـد مايامـن الزنـد لاثـار
زيزومنا ابن مشيـط نعـم الوليـده

فالجهل شجعان وفـي السلـم تجـار
مـن بطـن بيشـه للتهـم لارفيـده

حبيت ابيـن موقفـي بيـن شعـار
وارجوا سموحتكم علـى ذا النشيـده

ماحـب انافـق واتعنصـر تعنصـار
ولا ني باطيع اهـل العقـول البليـده

ما كل من طـب البحـر قيـل بحـار
وما كل من شل الفشق جاب صيـده

فالشعـر بستـان بـه ورد وازهـار
واللـي تعـداهـا بيـوتـه فقـيـده

واقولها في الشعـر تكـرار وامـرار
ضـرف بـلا عنـوان يلغـى بريـده

وبعض السوالف له مواقف ومحضار
وشعـر بـلا معنـى لـزوم نبيـده

وصلوا على المرسول شفاع الابـرار
محمـد الهـادي وقــدوة عبـيـده
++++++++++++++++++++++++
بنت الرياض زين وبياض***** احلى البنات بنت الرياض


بنت القصيم مثل النسيم***** فيها الدلع شي عضيــم



بنت الخـــــــبر مثل الزهر ***** يا محلا بسمة هالثغـــر


بنت الجبيل ضبي اصيــــل***** عيونها تشفي العليـــل

بنت الحسا نجمة مســــــــا***** من شافها اسمه نســـــا

بنت الهفوف احلى الطيوف****من عقبها ما اقوى اشوف

بنت الحـــــزام ريح الخزام***** تطلق من العين السهام

بنت ابهــا حلوة نبهـــــــــا***** من شافها غصب حبهـا

بنت حايل غصن مايـــــــــل ***** جامعه لكل الخصايــل

بنت الظهـــران عشق ولهان***** لاهي بأنسيه ولا جـــان

بنت الحفر سن وخصــــــــر***** والشعر متعه للنضـــر

بنت العيون خضر المــــزون****سنونها عقد مكنــــــون

بنت جـــده رقــه وحــــــده ***** ليناظرت شامخ تهده

بنت المدينه خفيفة الطينه****حبوبه وحلوه حنونه وزينه