بنات ديور وين احصلها

المريحين بالنسبه لي فرش لوك لما البسها انسى اني لابسه عدسات جدا مريحه و خفيفه ,,((الله اعلم إن كل عين في نوع من العدسات مريحه عليها على حسب شكل العين)) و جربت منها الازرق و الرمادي و البني والبندقي و الاخضرمع الزيتي و الازرق المائي كلهم رووووووووعه

تراي كلور جيده خذيت منهم لون رمادي مع عسلي مريحه و تقريبا نفس فريش لوك

اما توتي شريت الرماديه القامجه تحديدها اسود رهييييبه تكبر العين تخلي عيوني كأنها عيون براتز لاكن ما اتحمل اقعد فيها ساعه تدمع وتصير حمره كأني باكيه وتاذي وعدم وضوع في الرؤيه))

بالنسبة للشفاف طبي
استخدم جونسون اند جونسون اويسيس (كان اسمها اكوا فيو ادفانس اللي هي كان لها دعاية الاسبوعية) المهم هذي مره ارتحت معها ما تضايق ابدا

بالنسبة للملون استخدم تراي كلر الاخضر اكثر نوعية ناسبني لونها
وهو يماوج على حسب اللبس بين الاخضر والرمادي
بس انا عيوني صغيره وناسبتني مره واستخدمها صارلي حوالي 6 سنوات ما غيرت عن هالنوع
بس بالسعوديه صعب القاها دايما اخذها من ابوظبي كل ما اروح لاهلي

بس مثل ما قلت لكم درجة اللون تعتمد ايضا بالدرجة الاولى على العين لونها الاصلي
وايضا لعيون الكبيرة مره اذا حطيتي فيها لون فاتح تطلع مبحلقه شوي متل البسه

فلازم تجربي انواع لحد ما تشوفي اللي يناسبك

بالنسبة لي ما عمري شريت العدسه اللي محدده بكونتور من بره ما تناسبني
يمكن لانه عيوني صغيره فالنوعية تراي كلر مره ناسبتني

لكن انتبهوا من فريش لوك تراها اسوأ عدسات على الاطلاق
وهالكلام مو بس من عندي هالكلام حتى قايلته لي واحده بمركز عدسات وللعلم عندهم نوعية فريش لوك بس لما سالتها قلت لها صحيح اللي اسمعه عن فريش لوك انها سيئة قالت لي ايوه اغلب الزباين اللي يشترون فريش لوك يرجعون لي ويقولون لي مضايقتهم وكثير يطلع فيها اغلاط مصنعيه لانه حتى العدسات احيانا فيها اخطأء مصنعيه بالاضافة انها غير مريحه قلة الناس اللي يرتاحون فيها

هلا الغاليه
بكم قالك تراي كلر السنويه طبيه
او الشهريه تراي كلر الطبيه

؟؟ ووين المحل وشو اسمه

هلا وغلا مشكوريين أنا أبي العدسات الي تكون محددة من الأطراف بلون غامق؟