أجمل مطعم في الرياض

مطاعم الرياض و ما ادراك ما مطاعم الرياض ....

الرياض مافيه احلى من مطاعمها و اسواقها خاصة في 3 سنوات الاخيرة ..

من احلى المطاعم في الرياض (((وعن تجربة شخصية )))

ليكلوز ---> بحري و رهييب

شيراز ---> ايراني

زعفران ---> هندي ( ولا تقولولي دوم بخت مافيه مقارنه ) وياحسافة راج يوم انهم سكروه

الريف الايطالي ---> إيطالي

فدركرز ---> فاست فوود وتراه زي ( تشيليز )

مراكش ---> مغربي ( لو كنتم تحبون المغربي انا رحت وتوهقت :( )

واهم مطاعم الشرقية .. ( وحدة داخلة عرض )

لاجندولا ---> ايطالي

اوليفيتو ---> ايطالي و جلسته اهدأ

كوبر شندني ---> رهيييييب هندي ( بس تراني احب الهندي)

الاصفهاني ---> ايراني رهيب ( وفيه منه بالبحرين )

بس ولو تذكرت زود قلتلكم .. تراني مهبولة مطاعم اي وحدة تحب تسال عن مطعم تراني بالخدمة سواء في الرياض و الشرقية و البحرين


وسلامتكم

اجمل مطعم
الريف البناني والريف الايطالي من جميع النواحي:14:

السلام عليكم

اولا كل عام والجميع بخير وتقبل الله منا ومنكم

ما رأيكم بمطعم الفيصيليه البلوره من ناحية الاكل ومن ناحية الجلسات هل هي مستره والا مكشوفه

ضروري الله يجزاكم خير ابي الرد

هلا وغلا حبيباتي..

صراحه انا ما يعجبني الا

مطعم ماريز..

مطعم السعيد..

مطعم البحيره

لانهم فعلا اكلهم زين ونظيف وأسعاره مقبوله و خدمه ممتازه جدا..

هلا وغلا
اختي ام مسلم مطعم الفيصليه البلوره نصيحه مني لا تروحين له اولا الجلسات مكشوفه يعني مافيه سواتر بينها والامر من ذلك ان كل طاوله لازقه بالثانيه يعني وانتي على طاولتك تشوفين وش في الطاوله الثانيه ووش يسولفون فيه وكل شي كانك قاعده معهم على نفس الطاوله وغير كذا اكله الله يديم النعمه خرابييييييييط يعني اعرفي انك ما راح تتعشين حتى لو طلبتي الي عندهم كله اولا الاكل غريب وطعمه الله يكرم النعمه وغير كذا يجيك الصحن كبير وما فيه الا لقمه كأنهم يعطونك تذوقين وزياده على كذا الموسيقى اللي تلعلع وزياده على هذا كله الاسعار ناااااااااااااااااااااار.
احسن مطاعم رحت لها :
فيكيا روما
افوكادو
الريف الايطالي
نورولوز
لاكازا الاسباني
ونسيت الباقي بس هذي المطاعم لا تفوتكم اكل حلو وديكور مرتب