أجهضت ساعدوني

السلام عليكم حبايبي

انا لي 3 سنوات متزوجه واتعالج ولا صار حمل لان عندي ضعف تبويض ولخبطه في هرمونات الغده النخامية
المهم أني عملت تلقيح صناعي بشهر 6 وصار حمل الحمد لله ولكن لمى وصلت شهر واسبوع صار معي نزيف ورحت ع الطوارئ وقالو لي الرحم مقفل والكيس موجود لكن الجنين مو باين ويمكن لان التبويض متأخر مايبين بدري ارجعي بعد أسبوعين ونتاكد واسبوعين وأنا ع ظهري ولا أتحرك إلا للضرورة والدم استمر أسبوع وكان عادي زي دم الدوره <<< آسفه

بعد أسبوعين رجعت وعملو لي تصوير من فوق ومن تحت وقالو لي الرحم نظيف ومافي شئ بس في قطعه بسيطه ع عنق الرحم تنزل لحالها

طبعا النزيف حصل معي يوم 3 بشهر 8 ومن بعدها ماعاد شفت الدوره والآن كملت تقريبا 7 أسابيع ماجات الدوره ولا أحس بأعراضها أبدا



بليز اللي أجهضت وما عملت تنظيف ولا أدوية متى المفروض تجئ الدوره مع أني ما أتمنى وحده منكم تكون مرت باللي مريت فيه او احد منكم يمر باللي مريت فيه واللي عندها خبره تنورني