أجهضت قبل لا أعرف إني حامل --> تعالوا اسمعوا أغرب قصه صارتلي!!

السلام عليكم و رحمة الله و بركاته...

الصراحه اترددت واايد قبل لا أنزل الموضوع.... بس في النهايه قررت أنزله عشان أفيدكم خواتي من قصتي العجيبه الغريبه...

إليكم القصه:

قبل شهر من اليوم قررنا أنا و زوجي انسافر سياحه... و قبل لا إيي موعد السفر كنت أقول حق زوجي إني بسوي تحليل حمل قبل السفر بيوم و إذا كنت حامل بنكنسل السفر... و صدق سويت التحليل (و كان باقي على موعد الدوره يوم واحد) بس ما طلع في حمل... و اليوم اللي بعده سافرنا و توكلنا على الله...

بعد يومين من السفر قررنا أنا و زوجي إنا إنسير ملاهي و نلعب بعض الألعاب الخطيره (إحنا من عشاق هاي الألعاب)... لكن في ذيج الليله قررت إني بكره قبل لا إنسير الملاهي أسوي تحليل منزلي للحمل (لأنها ما كانت مشرفتني بس كانت متأخره بس يومين)

و لكن أول ما وعيت الصباح التالي اكتشفت إن الدوره نزلت علي... so رحنا الملاهي و لعبنا لين ما قلنا بس... حتى انه في خامس يوم من الدوره سرنا بعد مره ملاهي ثاني و لعبنا واااااايد...

مر سبعة أيام على الدوره و هي بعدها تنزل... شكيت في الموضوع لأني في العادة أغتسل من خامس يوم...

سبحان الله ربي راد.. و سرت سويت تحليل حمل... و صدق طلعت حاااامل...
سرت المستشفى في ذيج البلاد و سوولي تحليل دم و scan و قالولي إني كنت حامل بس أجهضت :icon33: الحمدالله على كل حال

هاذي قصتي رويتها و كلي أمل إنها اتفيدكم... و نصيحه لكل إخت: مو أي دم يعتبر دوره لأن اللي نزل علي كان نزيف و أنا في سابع نومه!