أجوكم ساعدوني بأقصي سرعة عيون البوتوجاز ماسكه فيه أعمل ايه عشان افض الاشتباك بينهم

السلام عليكم و رحمة الله و بركاته

أنا حنان من مصر عضوة من زمان في عالمكم بس مش بعرف أشارك معاكم مع اني نفسي اكون عضوة ناشطه و الله المستعان
و مع ذلك لا انكر اني استفدت جدا من أقسام كتيرة في الموقع ربنا يكرمكم جميعا و يجزيكم عني خير الجزاء

ندخل في الموضوع: انا كنت بشتغل في قطاع خاص و كنت مقتوله في الشغل و رغم تنظيمي الشديد و حرصي على نظافة بيتي على قد ما كنت بقدر الا اني اهملت عيون البوتوجاز كنت باشيلها الاول و لما كانت بتعصلج مني كنت باغسلها مكانها و اقول ما مره كده و مره كده لحد لما بقت عاده فغبائي الغير معهود خليت العيون تمسك في البوتوجاز بايديها و سنانها

و دلوقت انا اتفرغت للبيت و نفسي اعمل كل حاجه كما ينبغي بس عيون البوتوجاز رستأت نفسها على كده راسها و ألف ؟؟؟؟ ما هي طالعه من مكانها


أرجوكم فيدوني اعمل ايه عشان اعرف ارفعها و اتابع تنظيفها صح من هنا و رايح و اعتبروا ده وعد

اوعوا تسيئوا الظن بيا و الله انا نظيفه في بيتي لكن كان قله حيله مني نتيجه التعب الجامد في العمل فشغل البيت كان عليا حمل بزياده
[