أحبة ويحبني بس......!!!!متضايقه

حبيباتي بنات حواء أبشكيلكم وضعي مع زوجي وأهله اللي هم حمولتي,.....وابيكن تحكمن لي أوعلي أهم شي القى حل يريحني ويرضي زوجي الغالي بنفس الوقت ,,,,,
أنا متزوجه من خمس سنوات وعايشه بشقه لحالي ومستقره ولله الحمد وعايشه بسعادة مع زوجي وبناتي .ويشهدالله انه مايقصرمعانابشي احبه مووت ومتاكدة من حبه لي ورضاه عني الحمدلله يعني عايشه اجمل سنين عمري مع حبيبي الله يخليه لي يارب قولن ماشاء الله
زوجي رومنسي وحساااس بزيادة ومتعلق بأهله امه واخوانه وخواته وللامانه هم حباييب مره واجتماعيين بزياده وهذي مشكلتي انا معاهم انا تربيت ببيت نادرا مانختلط بالناس يعني مانحب كثرة الطلعات والعزايم وحضور المناسبات الا للناس المقرين منا وحمولتي عكسنا تماماوراح افصل لكن المشكله اللي نغصت علي حياتي وهي ان حمولتي عندهم استراحة برا المدينه الي احنا ساكنين فيها وفي نهاية كل اسبوع يطلعون به اربعا ء وخميس وجمعه وطول الاجازة الصيفيه يستقرون به واي اجازة تبدأ على طول ينطلقون له ومايدخلون لبيتهم الا قبل الدراسه بيوم لاتقولن وين المشكلة؟؟؟؟؟؟؟المشكله اني مرتبطة بهم طول جلستهم بالاستراحه يعني اسكن معاهم تلبيه لرغبة زوجي واصرارة على اننا نكون انا وياه متواجدين على طول معاهم :06:وللعلم له خمس اخوان متزوجين ولهم اولاد كبار وبنات وبزران وبرضه خواتة وبزرانهن على طول متواجدين بس مو سكن زي حالتي وراح اوضح لكن معاناتي بالنقاط التالية
لايوجد لي غرفة خاصة لان الاستراحه مكونه من مجالس فقط يعني افرش لي ولزوجي ولبناتي باي مكان وننام غيرمعانات الغطوة والتدخلات وازعاج البزارين وضرب ومكافخ ,,,,,آآآآآه بس وش اقول وش اخلي يعني مافيه اي خصوصيه ..وزوجي مبسوط مع اهله واني موجوده معه ويداريني ويدللن قدام الكل بس والله تعبت بشكل ماتتخيلنه صرت اشيل هم الاجازة اذا قربت والناس تفرح وتسافر وتنبسط ...ىسفه على الاطاله بس ودي افضفض لكن وابيكن تدعن لي وتدعن لزوجي بان الله يسخر ه لي ويكره جلست هالاستراحه .بعدين بكمل لكن تابعوني