..
..
..
..
على طاري الحب وغربة
الأرواح والترحال
وعلى طاري الدموع اللي
تخلت عن مواقيها
حبيبي والهوى ينبت على
قلبي حلم وآمال
وشراييني تضخ الدم من
أشواقي وترويها
أنا أسمع دايم الأمثال تقول
الحب يهد الحال
وأنا أقول الهوى جنه مادام
الوصل يحييها
أبيك بصدق توعدني قصر معك
الزمن أو طال
حياتي يابعد عمري دخيلك
ماتخليها
وأبيك تكون لي جنه إذا طاح
البخت أو مال
وأبي عينك تراعيني من الدنيا
وبلاويها
وأنا بأعطيك عهد الله وأمان
الواحد المتعال
مادامني على الدنيا عيونك
ماأبكيها
وعلي أفرش لك أهدابي وأحط
رمشي غطا وظلال
وأضمك داخل ضلوعي وأذوب
لك محانيها
وعلي أرسم بك أحلامي وأخلي
الروح بك تختال
وأسميك بحشا روحي حبيبي
وإنت غاليها
بعد عمري بعد روحي بعد
أعمامي والأخوال
وبعد كل الشعوب اللي تبوت
في أراضيها
أحبك أيه أنا أحبك وحبك
بالحشا لازال
وأحس إنه بعد يزداد بكل
لحظه وثوانيها
أحبك عد لمعات البروق وغيثها
الهمال
وأحبك عد مخلوق وطا الأرض
ومشى فيها
أحبك كثر مافي الكون من
بحور وشجر وجبال
وأحبك كثر ماترسي المراكب
في موانيها
أحبك كثر أنفاسك وعدد مافي
الصحاري رمال
أحبك كلمه بشفاهي ولاأدري
كيف أحكيها
وربي لامحبة قيس ولا حتى
هوى الأمثال
يجي ربع المحبه اللي بقلبي
لك مخبيها
تخيل من كثر ماأهواك وكثر
ماأحبك بخبال
أحس إني ملكت الأرض من
أقصاها لدانيها
وعلى طاري الوداع وغربة
الأرواح والترحال
كتبت أصدق أحاسيسي من
أولها لتاليها.!؟
