,,, جرح الحبيب ,,,
قصيدة متواضعة .. من كتاباتي .. أتمنى أن ترقى لمستوى ذائقتكم !!
غــــريبة والله هالدنيا دوام الحــــال فيها محــــال
فرحـــــنا في ثنـــــــاياها ثوانــــي يوم جافـــــيتك
عرفــــتك يــــوم أنا تايه وجيت بغربتــــي تختـال
وعانــــــق طيفي المحزون طيفك يوم لاقــــــــيتك
بقول اليوم قصـــتنا وأشوف اللي لها ينــــــــــقال
وبادرجها ضمن همس المشــاعر في ربى بيـــــتك
بـــدت قصة تعارفــــنا بحبر ع الورق سيـــــــــال
تــــــذكّر يوم أقول لك كم أنا بالحـــبر غثــــــــيتك
تجـــي وتقــول لا عادي خذي راحتك وأي سـؤالــ
أنا حاضـــر ومن بعد الصـــراحة جيت صــارحتك
تطوّر حبرنا العاشــــق وغنــى للفرح مــــــــــوال
وصــــار القلــب متعلق ببوحك ينتظر صــــــــــيتك
تقــــــول إني أحبك حــــــيل وأنا والله نفس الحال
أحبك حــــيل يا عمـــــــري لأني صدق حبيــــــتك
أنا ما كـــــنت بعرف في زماني للغلا ترحـــــــــال
ولكــــن باعترف إني هضمــــــتك يوم جاريـــــتك
وأنـــــا والله ما ني قــــادرة استوعب الأحــــــوال
عجيـــــبة كيف تتبدل وبعتابــــــــــي استهلـــــيتك
عقب كــــــل الغلا نمضـــــي دروب كلها أهــــوال
وقلبــي من فرط هــــول المصيبة قالـــ أنا جيــــتك
تقطـــع فيه وناتي يجيه الجـــرح منك أمـــــــــثال
كثيرة من قــــبل غيرك فخاصمــــتك وزاعلــــــتك
دموعــي فوق خدي ترســم البســــمه على هـــمال
من أمطار الغلا تسقــــي ورودي تقول أرويـــــتك
ومن كثرة جروحي صرت تسقيني دموع آجـــــال
تهيم بخافقـــــــــي المجروح يـــوم إني تمنـــــيتك
غريبة كيف تجرحني ولا تحسب لجرحي حــــــال
تكـــــــدّر خاطري والله يـــــــوم تقول صافيــــتك
أحط إيدي علـــــى خدي وفكري هايم جــــــــــوال
وعيني بالدمـــــوع تغور وتغرق يوم ناديـــــــــتك
تجيــــني تعتذر مني تقول آسف على استعـــــجال
وما تـــدري عن جروحــــي أنا ما أقول وصـــيتك
تجــــيب معاك قبلاتك تفـــــــكر إنـــها حــــــــلاّل
لمشكلتي معـــــك يوم الفهم خــــــانك وطفــــــيتك
أنا والله وربــــــي شــــــاهد ماني بلك محـــــــتال
ولانـــــي من هـــوى غيرك أجي واقولــ ضمـــيتك
ولـكن حبي الصادق أبـى يرضـــــي عليك البـــــال
لأني بجـــــــــد مغلــــــيتك ومن حبي تغلــــــــيتك
إذا تبغـــى تراضيني تعاهدنــــي بخـير أقــــــــوال
ما عـــاد تكرر اللي صـــار وأنا بالفعل راضــــيتك
أطيب الأمنيات
8 / 10 / 1429 هـ
وهج المشاااااعر
