أحبه بس أبا أطلب منه الطلااااق

بنات محتاجه مساعدتكم واااايد

أنا دووووم كل ما اتصير مشكله ويا زوجي أفكر أطلب منه الطلاق...

مشكلتي إني اتعودت منه على أشياء ما أقدر أستغنى عنها

في بداية زواجنا كان الأخ طالب (يدرس) و ها الشي خلاه يكون 23 ساعه وياي هذا إذا ماكانوا 24 ساعه...

كنت أحبه وااااايد و هو كان رومااااانسي وياي وااايد على الرغم إن حالتنا الماديه كانت صعبه واااايد (لأنه كان يدرس و بعده ما اشتغل)

بعد 3 سنوات تخرج الحبييب و توظف في مكان محترم و براتب محترم و كان يرجع البيت الساعه 3 ...

يعني ما صار يتم وياي 23 ساعه بل 8 ساعات بالكثير... هاي الشي خلاني أتضايق وااايد لأني كنت متعوده يكون وياي دووووم... بس تحملت وصبرت لأن هاي سنة الحياه...

ما كمل سنه الأخ في شغله إلا و قدم استقالته و توظف في هيئه خاصه يعني دوامه لين 5 أو مرات يوصل 7 المساء....

كنت رافضه شغله هذا و قلتله إني ما بتحمل بعده لكنه تم يحن و يزن علي إني أوافق عليه بعد ما أقنعوه ربعه إنه ورا الشغل هذا مستقبل مرموق...

تغير حبيبي واااااايد... صار يرجع البيت وهو تعبان و متكسر و أحاول أهيئله الجو عشان ينام حق ساعه أو ساعتين بالكثير... و بعد مايصحى يسير يتعشى و ييلس اشوي ويا أهله لين 11 أو 12 وبعدين يحس بالتعب مره ثانيه و يقول يبا ينام...

يمكن بتقولون هذا شي عادي بس أنا ماتعودت ها الشي منه... و ألحين صاحبنا في صدد مشروع يديد يكسبه الملايين على قولته...

أنا أبا مساعدتكم (على العلم إنه عندي ياهلين و حامل بالثالث)... كل ما أفتح الموضوع وياه و أقوله إنه إتغير يقول إنه كل هذا يسويه حق منو غيري أنا و عيالي.. و يقولي ما تبين فلوس... وأرجع أقوله أفضل إني أرجع مثل قبل (بدون فلوس) و لا إنك إتكون بعيد عني...

بنات بسبب شغله و ابتعاده الدايم عني صرنا نتشاجر بالقليل في الأسبوع مره و شجارنا يتم في حدود 3 أيام.. يعني إحنا متصالحين بس 4 أيام في الأسبوع... و المشكله الكبرى إني أحس إنه تعود على هالشي و ما فرقت عنده متصالحين أو متشاجرين.. و حتى إنه ما يحاول إيراضيني مثل قبل (كله أنا لازم أراضيه)...

أنا ما أتحمممممل أكثر أحس إنه ما يحبني مثل قبل و إني ما أقدر أعيش معاه أكثر أبا أطلب منه الطلااااااق....

بلييييييز بنات أرشدوني و أنصحوني شو أسوي :(