أحب أطمنكم عن أختي وجزاكم الله عنا كل خير..

السلام عليكم ورحمة الله وبركاته

شهر مبارك علينا وربنا يتقبل صيامنا وقيامنا ويرزقنا العتق من النار وخير الدنيا والآخره انه سميع مجيب,
خواتي الغاليات أشكر كل من دخل موضوعي ودعى لأختي وخاصة الي ارسلوا لي على الخاص سعاده ماتنوصق تفاجأة بكم هاااااااائل من الرسايل الي يسأل بيي يطمن والي يساعدون بارقام شيوخ والي بطرق علاج والله انكم نعم الخوات الله يرزقكم كل ماتتمناه قلوبكم ويحفكم من كل شر ,
هدا موضوعي عن اختي للي مايعرفون قصتها

http://forum.hawaaworld.com/showthread.php?t=1203333
معليه موضوعي متأخر كثير لكن الله يعلم بالظروف الي مرة علي والحمدلله على كل حال المهم بالنسبه لأختي للأسف الى يومكم هدا ما قدروا يودونها اهلي لأي شيخ بالرغم الكم الي عطيتهم اياه من ارقام وعناوين بس كل مره يصير شي سبحان الله وفي النهاية قلت لأمي انهم هم يرقونها بنفسهم وعلى طول يشغلون اشرطة الرقيه الشرعيه والقرآن عندها وصارة بس تشرب مويه زمزم على انها في البدايه كانت تشرب شوي وترجعها لكن اميي الله يحفظها صارة تكبها على راسها وتمسح على بطنها الين بدت تستسيغها شوي والحين تشربها عادي يارب لك الحمد,وماشاء الله تحسنت كثير وربي اتصلت بعد ماقالت امي اننا بدأنا نرقيها بس بعد 3اسابيع اتصلت عليهم وكانت احلى مفاجأه الي خلتني ابكي وماقدرة حتى انطق كلمه وحده من البكي والفرحه يوم هي ردة علي ياعساني فديت هالصوت لا وكانت تدري انه انا ردت بكل دلع مثل العاده لمن ترد علي بصراحه انصدمت بس احلى صدمه وكانت حاطه التلفون على السبيكر عشان الكل يبون يسمعون ردة فعلي بس قلبتها لهم مناحه كثر الفرحه تبكيني والحزن يبكيني<<<<ماعرفوا لي :icon33: وبصرحه كان نفسي اشوفها بعد ماسمعت صوتها نفس الصوت الي زماااااان ياعساني فديته وفديت ضحكتها تدرون ليه هالبنت غلاتها زايده شوي لأني ربيتها من يوم انولدة كان عمري 14سنه وهي بحضني اسوي لها كل شي الا وقت الرضاعه بس اعطيها امي وكبرت قدام عيني وقلت لها تدخل الماسنجر عشان ابغى اشوفها لأن صورتها وهي مريضه دابحتني كل ما أدكرها احس قلبي ينعصر من الحزن عليها والحمدلله شفتها ماشاء الله صحيح مو ميه في الميه مثل اول لسا نحيفه مره وباين عليها التعب لكنها احسنه مليون مره عن ماشفتها وكانت تضحك وتنكت زي زمان حبيتي يارب تتم شفاها وترزقها واختي الثانيه با أولاد الحلال الي يريحون بالهم ويسعدون قلبهم وجميع بنات المسلمين ويرزقني بالدريه الصالحه ونفرح قلب الغاليه الي من يوم جابتنا وهي في هم ومشاكل وصابره وحامده ربها بس على شوفتنا قدام عيها سالمين لا نزكيها على الله وربي يكتب لها الأجر ان شاء الله ويجعلنا قرة عين لها يارب العالمين..
يا بنات هي لسا يجيها شوية الم في بطنها بعد الأكل او ادا ظلت بدون اكل اش رايكم ممكن يكون لسا باقي فيها شي من العين ولا يكون هدا مرض بسبب العين يعني عضوي ؟؟؟

شي ثاني معليه مسختها معاكم بس احساس الأخوه الي حسستوني فيه طمعني فيكم وراجيه من الله دعوه منكم في ظهر الغيب تغير لي حياتي ,يا بنات أنا بغربه ومالي أحد هنا كلهم اهل زوجي وانا مالي احد الا زوجي بعد ربي والنعم بالله والشي الوحيد اللي يربطني بالعالم العربي هو الدش والنت مدري من غيرهم وش بسوي لكن ودي بالي أححسن من النت والدش ودي باللي ينامون معي ويصحوني بصوتهم والعب معاهم واروشهم والبسهم واجلس احصنهم كل مالبستهم شي واخد معايا بطلعاتي واجلس اتكلم مع باقي الحريم عن شطانتهم والي يحبونه والي ميحبونه مليت الوحده وعمري يجري مني وعمر زوجي ومشتاقه اسمع كلمة ماما يارب لاتحرم مسلمه منها ادعوا لي في شهر الرحمه وقت فطوركم ولا قيامكم الحين باقي لي كم يوم بس على الدوره ادعوا لي ماتجي واصوم رمضان كامل وعيدي يصير عيدين :icon28:ويتم الحمل هالمره كل ما أحمل اجهضه الحمدلله على كل حال ادعوا لي تكفون آخ اجهاض لي كانوا توأم الله يجعلهم شفيعين لي وكل الي اجهضتهم ويعوضني عنهم في هدا الشهر الفضيل على فكره حملتهم في رمضان الي فات(( اللهم أجرني في مصيبتي واخلفني خيرا منها)):44:

أحبكم في الله