هلا خواتي اشكركم من كل قلبي على ردودكم الحلوة اللي تفرح القلب وصدق مثل ما قلت انتوا خوات ويعلم الله اني اعزكم واحترم ارائكم واخذها بالحسبان... وان شالله اتغير للأفضل في حياتي وتعاملي مع حبيبي. بس خواتي اذا سألني مع مرور الأيام وقال لي ليش متغيره شو اجاوب لاني اعرف انه بيحس بالتغير اتريى ردودكم..

* سحابة خير....
مشكورة الغالية على الدعاء واتمنى ان الله يحققه لاني في امس الحاجة لهم

* الوردة الحمرا...
انا من البارحة واحاول اني اتغير يعني بعطيج مثال انا قبل كله يالسه في الغرفة بس اللحين كله في الصالة مع خواته وامه. اما بالنسبة للإيميل الخاص ما أعرف كيف افتحه.

* عسل سدر...
ان شالله اذا رحت بيت أهلي في الويك اند بسوي اللي قلتي عنه.

* لينا25...
ان شالله راح اخذ بنصيحتج وانا حاليا أحاول

* فيني ثقافة...
مشكورة الغالية

* ام شماني..
سبحان الله احس ان نحن متشابهات صدق اماراتيات وحتى ازواجنا صدق انهم عيال البلاد وانا مثلج اذا استوى خلاف من بيننا انا دايما اللي اراضيه وما اقدرارقد الليل الا اذا راضيته بس اللحين لازم اتغير وطبعا انا دايما أحمد ربي واشكره على النعم واتمنى اني اغيره شوي بس

* Saleena مشكورة الغالية

* بدوية رحيمة...
ما شاء الله عليج الاسلوب اللي متبعتنه مع ريلج وااايد حلو والريايل ما ينفع معاهم الا هاللاسلوب بس انا حليلي لما عرست كنت صغيرة ومحد خبرني تصوري هو اللي كان يعلمني كل شي فديته .

* wahg_ al7aneen مشكورة عزيزتي وان شالله راح أعتدل..

* العود المنثور..
مشكورة على الدعاء وكلام صح لان حبي له معذبني بس عذاب حلو؟؟؟

* الهام العمر..
مشكورة على الاطراء وهو فعلا رائع ما شالله عليه.

* أميرة حياته ..
مشكورة على الدعاء

* وه يازيني..
انا دايما احمد ربي واشكره ومثل ما قلتي غيري يتمنى بس نحن الحريم طماعات

* المهاجرة الى الله...
الله يكون في عونج لانج مثلي..


وداعت الله الغاليات

أمونة القمورة..

شكرا على الدعاء

اختي بس لاتتغيري فجاه يعني كل شي كنتي تسويه قلللي منه على خفيييييف عشان لايحس ولا يفكر انك كرهتيه
سوي كل شي بالتدرييج
ومشكلتك سهله باذن الله بس اتبعي النصائح بشكل صحيح
الله يرزقك بالذريه الصالحه ويسخر لك زوجك ويسخرك له

اثقلي عليه شوي

أتشارك مع كل اللي ردوا عيك
في رأيي كلهم كلاممهم صحيح

ولو اني مقتنعة أكثر بهذه الردود:






وأنا اشوف أن الثقل يكون ايام الخطوبة او اول ايام الزوج
او مع رجل ما ينفع معه هذا الاسلوب ( وهم قليلون)
لكن اغلب الرجال يناسبهم اسلوبك
وبالعكس كلما خف وهج الحب لديهم تشعلهم المرأة التي تعطي حبها بسخاء

والله اعلم (واتمنى لك هذا )
لن يزيدك حبك له إلا حبا منه لك
فأسعدي به وعبري كما تشائين

إن هي إلا سنوات ... ويأتي ما يشغلكما معا
وتبقى هذه الأيام وقود تتزودون بها للمستقبل

وفقكم الله