الســــلام عليــــكم ....
بنـــات أنـــا صـــــراحـــة أحتـــــرت الجـــأ لميـــــن ....
لأن مشكلتــــي خــاصـــة ومــا أبـــــي أحـــد يعـــــرفنــــــي يعــــرف فيهـــا
وبنفــــس الوقــــت مــا أبـــــي أقـــول لزوجــــي يســاعــدني لأنــي مـــــا
أبـــي أكــــدره وأضـــايقـــه ...
مشكلتــــي بدأت من 12 سنــــــه .....
بنــات أنا مـــن يـــــوم مـــا أنـــا طفـــله صغيـــــرة وهــــم يقــــولــون
أنــي لـــولد عمتــــي و ولـــد عمتـــــي لـــــي ... وأنـــا كنــت أحبـه
وهــو بعـــد يحبنــــي مــــوت ...و لمـا صار عمـري19 سنــه جـــاء
وخطبنـــي والفــرحـة مــاهيب ســايعتنـــــي يومهــــا ... ولكـن صـارت
مشكلة بيـن أمـي وأمـــه بيـــوم الخطبـــة وبلحظتهــا تفركشت الخطبـــــه ....!
المشكلة ( أمــه ) قالت لأمـي أنـــا كنت أبــــي أخطب له بنت زميلتـــــي
بس الولد مـا يبـــي إلا بنتــــك .. أمـــي قالت والبنت بعد مـا تبي إلا ولدك
(أمي) كـانت تحســب أن أمــه قصــدهـا أن ولـــدي يحب بنتك ومتعلق فيهـا
ما فهمتهـــا إن أمــه مـا تبغـــانــــي ... إلا يوم أمــه قالت لأمـي أيـــه
وأنــا لأن بنتـــك تحب ولـــدي مـا أبيهـا له أنا أبي له بنت نـاس محترمـه
مــو تحب وتنحـــب وهــي بعدها مـاتزوجــت ... عـاد أمي زعلت وصارت بينهم
مشادات وكانت عمتـي بس تسبنـــي وأنا كنت موجوده بالمجلس ... التفت علي أمـي
وقالت لــي أدخلي داخــــل ... وبعدهـا جــاء أبوي وقـال لـي إللـي هذا أوله يابنتي
ينعــاف تــاليـه وأنتي بعــدك صغيــره ومآ أنتــي بضـــايعه ... وعرفت أن أبــوي
بعــد مـا يبـــي ولد أختـــه ...
أيــامهــا مــا كــان فيـــه جــوالات .. أرســل لــي ولــد عمتـــي رسـالة
مـع أختـه من أبــوه للكليـــة وقـال لــي .. مـا عليــك من أمـــي أنـا أبيك
بس أنتــــي تبينــــي ؟؟ ... أنــا قلتهـــا لأختــــه شفــاهيــاً أيــه أبيــــه ..
رد ثانـــي يــوم وقــال لـــي كتبيهــا لــي كـانك تبينـي عـاد أنا كتبتهــا ....
وتــواعــدنـــا نتـــزوج بعـــض مهمـــا صـــار ...
وفعـــلاً كــل مـا جـانـــي عريــــس أرفـــض أرفــــض وأمــي صـارت
مـا تكلمنــي .. وزعــلت عــلي ... لمــا تخــرجت من الكليـــة خفّــوا العرسـان
و ولـــد عمتـــي بطّــل يتقــدم زي أول ... وراح يــدرس بالأردن المـاجستيـر
عـاد عمتــي الله يسامحهـا كذبت كـذبه عـلى أبــوي وقــالـــت لــه ولـــدي
خطب من الأردن وبنتـــكم هم تستنــــاه إذا ما تستحـــي أنت أستح على وجهك
صـارت ســالفتهم على لسـان قرايبنــا ومن هـا الكــلام اللي خلى أبـــوي يحلف
يميــن أن أول عـــريس يجينــــي يزوجنـــي يـــاه ...
بعــد فتـــره تقـــدم لـــي واحــد مـا أبي أسب هـو مـاهـو كبيــر علي بس
كـــان زوج مـــره وأنا مـابي يكـون لــي جـــاره.. قــلت لأبــوي مـا أبيــه
وكـان أخــوي الكبيـــر جــالس قال لـــي اللي تبينـــه مـا يبيـك وش تبيــن بعد؟
عـاد أنا قعدت أبكــي .. هنــا أخــوي الكبيـــر قــال ومــن قــال مـا يبيهـا وهـو
كـل يوم يجـي ويخطبهـا وأنت ترفضـه يا يبــــة قــال عمتــك تقــول أنـه خطب
من البلد اللي يــدرس فيهـــا ... أخـــوي أتصـــل عليـــه وســـأله وقــال لــه
كــذب أنــا مـا أبـــي غيـــر أختـــك وأختـــك مــا تبــــي غيـــــري ...
هنـــا أبــــوي وافـــق وقـــال لولـــد عمتـــي أنــــت تعــــال أخطبهــا
وأنـــا عطيتـــك يـاهـــا ... فــرحـــت .. سعــاده بقلبـــي كبيــــــره
بس أمــي مـا كـانت رااضيــه أخــواتـــي مابين وبيــــن وأبوي هم
مو موافـــق بس شــاف أنـــي كبــرت وصــار عمــري 28 سنـــه
وقـال أبــي أزوج بنتــــي ,,,,
صــار الـــزواج طبعــاً مـا أنزفيــــت زواجـــي كـــأن كئيب جداً
لا أهلي راضيــن ولا أهـله راضيــــن ... غيــر أخوي الكبيـــر
وزوجتـــه هم اللي وقفـــوا معـــأي ... تــزوجـــت .. وأنا الان لي
وأنا الحـــين عمـــري 33 سنــــه ولـــي 5 سنــوات متزوجــه
أهلي وأهــله متقبليـــن وضعنــا بالاجبـــار ..
بس يـا بنــات لســـى مـا خلفّـــت وبعـــد سنتيـن من زواجـي حسيت العمـر
يمضـي وعمـري صـار 30 وزوجـي 35 سنـه وحنـا لســي مـا خلفنـا قلت لزوجــــي
أبـــي عيــال تــأخرنـــا وحنــا مــا خلفنـــا ... قـــال لــي وهـو واثـــق
أن العــــيـــب منّــي وأنــا بعــد كنــت واثقــه أنــي أنــا السبب
قــال لـــي راح نـراجــع دكتور بــس أبيـــك تحطيــن شــــيء ببــألك
أن مهمـــا صـــار مــا راح أتخلـــي عنـــك وأنــا كنت أبكــي وقــال
لـــي جيبـــي ورقـــه وجبت له ورقـــه وكتب لـــي فيهــا
( معـــاك لأخـــر العمـــر يـــا أم وتيـــن ولتيــــن وتـــينـا ) <- ذي أسمـاء بنـاتنـا
إللي نتمنـــي نجيــبهم ...
المهـــم رحنــا وقــال الدكتــور مـافيـه عيــــب فيك كل شيء تمـام هرمون الحليب
تمـام التبويض صح .. هنـا أنصدمت ... قــلت لزوجـــي وفــرح وقــال يعني تـأخيــر
طبيعـــي .. ومـا حطينـا ببالنــا أن فيــه عيب أبــدا إلا بعد ثــاني زيـاره للدكتــور
قـال لـــي أن زوجــــي عقيـــــم ... وصــراحــه أنـــا أنهـــرت تمنيـــت أن يكــون لي
أولاد و تمنـــيت أسمــع كلمــة مـامــا وزوجـــي جـاني وقـــال لــــي لو تبينـــي
أطلقــك والله مـــاراح أزعـــل منـــك وراح أقــول للكل أني
عقيـــم وأنتــي عيشــي حيـــاتك مـا أبي أكون ظــالم ومن هالكـلام
وقـــال لـــي أنتـــي روحــي بيت أهلك وأبعدي
عنــي وفكـــري بالمــوضوع زيــــــن .... أنــــا فكـــرت وفكـــرت وقــررت أرجـع
لــه وزي مـا هــو كـــان بالاول مستعــد يضحـي عشــاني وكتب لي بالورقــه معـاك
للأخـــر .. أنــــا قررت أرجــع لــــه ....
وفعـــلاً رجعت له بالبدايـــه كـان الموضوع صعب علي بس بعد ثلاث سنوات خــلاص
أخــذت عـــلى انــي مــا أخـــلف وعــايشــه مع زوجــي مبســوطيـــن
نـروح ونجـــي ونســـافــــر كثيــــــر وعـايشيـــن حيـاتنـــا
بــس عنــــدي مشكلتــــــين جـــديـــده بحيــــاتي ... أم زوجــــي تعرف 100%
أن من ولدهــا العيـــب وهــو قــال لهـا مره هـالكلام قـــدامــــي
وذاك اليـــــوم فيـــه عشــاء كبيــــر مســـوينـــه لكنتهـــم الجـــديــدهـ (زوجـه أخو زوجـي)
وهـي البنــوتــه توهـــا عروســـه ومـا تعرف أحد من حريم عيــالهم
وقـامت حمـاتي (عمتـي أخت أبوي ) تعـــرف البنت على حريم عيالهــا هذي أم فلان
وهذي أم فـلان وهذي أم فلان ويـــوم وصلت عندي قــالت هــذي زوجــة فــلان اللي قلت
لكم أنـــهـا مـا تخلف ولـــدي يبــي له عـــروس قالت العروسـه : أيه أيه تذكــرت والله
وأهلي يتشــرفـــون بنسبــكم ... صـراحـه أنا أنصدمت من البنت كيف تقول أن أهلها عندهم أستعداد
يزوجـون زوجـي ...؟ وكيــف عمتــي أخت أبوووي تقـــول عنـــي مـا أخلف وهــي تدري أن
العيب بولدهـا صـراحـه مـا قدرت أتحمـــل دخلت جـوا وقعــدت أبكــي لحقتنـــي مرة
أخــوي الكبيـــر وكـانت بيدهـا بنتهـا عمرهـا 8 شهــور مدتهـا لي وقــالت البنت
ذي من اليــوم بنتك خذيهـــا .... أنـــا فــرحت أن بيــكون لي بيبي أحممـه أشمه العب معه
يسليني بس مـاقدرت أخذ البنت .. قلت لزوجـــي بعديـــن عن موضوع البنت وقــال لـي
إذا تبيــن تآخذينهـا هـي بنت أخـوك وأنتي عمتهـا ومآ نيب حـارمك منهـا وقـال أذا
قررتـي تـاخذينهـا قــولي لــي أخلي أخــوي يقول لزوجته ترضعهــا عشــان أصيــر عمّهـــا
وتحّــل لي .. أنـــا الحــين مـا أبي أنـاقش هالموضوع مـع زوجـي لأن كل مـا نـاقشتـه وفتحت
لـه سيــرة العيـاال يقـول لــي .. أنتي معـاك فرصــه أطلقك .. وعيشــي حيــاتك مع غيـري ويحس بتأنيب
ضميـــر أنا ما أدري هــل أخذ البنت ؟؟؟؟
وشــيء ثــاني أحس بحــرقـــه لمن عمتـــي تقـــول أنا السبب هــي تدري أن ولدهــا السبب
(والنـاس تصدق ) لأن كل ما أحد سـألني أنا وزوجـي نقول الله كـريم ومانعطيهم تفاصيـل ...!
صـراحـه عمتي قـاهرتني بس أنا ما أبغي أشكي لأمي لأن لو شكيت لهـا تسوي مشكله مـع عمتي وانا
ما أبي مشــاكـــل ..!
ســاعدونـــي وأنصحـــونـــــــي
هـل أتبنــي البنت ؟؟
وأيش أتصرف مع حمــاتي؟؟.
ام وتين&لتين$تينا @am_otynampltyntyna
عضوة جديدة
يلزم عليك تسجيل الدخول أولًا لكتابة تعليق.
حلافيصل
•
الله يكون بعونك يارب واصبري
فاطمة77
•
اولا لا تياسي من رحمة الله وربنا العالم متى تنجبيين
ثانيا استخيري الله فهو العالم بحالك وييسر لك الخير
ثانيا استخيري الله فهو العالم بحالك وييسر لك الخير
دينا11
•
لاتاخذين بنت اخوك مصير اهلها يحنون لها وياخذونها بكرامنك ويتقطع قلبك عليها اكثر انا اقولك خوذي من دار الايتام ورضيعها من اخواتك او اخوات زوجك وتاخذين بكذا اجر وتوسعين صدرك ولاتضغطين على زوجك بكثرة الكلام عن الاطفال حطي نفسك مكانه اكيد راح يتضايق وام زوجك اذا قالت كلام زي كذا ردي عليها قولي ياليت العيب فيني كان انا زوجته عشان تنحرج ولاعاد تتكلم وضحي لزوجك انه يجيك احراجات من اهله وكلام عشان لو صار عندك ردة فعل يكون عارف الموضوع ولا يلومك
:( عورني قلبي عليج
الله يرزقج ويرزقني بالذرية الصالحه ... لا تيأسي من رحمه الله والله قادر على كل شي ...
الله يرزقج ويرزقني بالذرية الصالحه ... لا تيأسي من رحمه الله والله قادر على كل شي ...
الصفحة الأخيرة