أحتاااج رأي سديد لأن الموضوع مصيري

السلام عليكم ورحمة الله
أولا أشكر صديقتي حبيبتي سكره على إعطائي نعرفها لعرض مشكلتي.. الله يسعدها ولايوريها الشين في حياتها عرضت عليها مشكلتي قالت مالك الا بنات حواء....
مشكلتي حبيباتي انه أنا تزوجت عن حب بدون مكالمات وتعارف وخرابيط مجرد انه تربينا سوا وكبرنا سوا وكل واحد حب الثاني سرا لين تزوجنا وأنجبنا أطفال وحياتنا مثالية... زوجي عنده حسابات في وسائل التواصل وأنا عرفت حساباته بدون لايدري وكانت بالصدفة والله المهم لقيته يؤيد التعدد ومكلم بنت يقول لها أبغاك خاص وهي تقول العصر وهو يرد نايم وتقول 12 قال تمام وماادري وش قالوا الله يحرقهم الإثنين بجهنم البنت هذي قعدت أفتش حسابها لقيتها تبغى بس معدد وانه ماتبغى تكون زوجة أولى ووحيدة وهو ضايفها... بنات انا ماني عارفه اتصرف لمحت له مره اني شاكه فيه وقلب الطاولة علي انه شريف وابن شريف الحقيييير من وين يجيه الشرف وهو يتكلم مع أجنبيه وفي الخاااص... نفسيتي في الحضيض لاأنام ولا أكل وعيوني حمراء من البكي وسألته كذا مره وش أغير في نفسي وش اللي مو معجبك فيني يقول والله مافيه رجل على وجه الأرض مايتمنى زوجته تكون نسخته شكل وخلق وأنا محظووظ أخذتك... حقيير حقييييير الحين اكتب وأبكي بعد لأنه أصلا فقير وماديته زفت وذهبي بعته عشان مر بأزمه وناقصني كثييير وأسكت عشان لاأضغط عليه ماديا ومعنويا... أنا ماأنكر هو كزوج وكأب رائع وكرجل له حضوره وكلمته مسموعه لكن أنا كرهته كرهته كرهته وأفكر بالطلاق ااااه يا اسي وجسمي كل شي فيني تعبان وأكثر حاجه موجعتني قلبي المكسور وشايل وساكت وهو مسوي أنا المحب الغيور ولاتضيفي رجال ولا تشوفي مقاطع رجال وهو ضايف وحده ويكلمها اااه ياربي تعيني.....
نصايحكم ومعليش طولت بس ماعندي أحد أشكي له أهلي يحبونه وبتهتز صورته وأبوه رجال كبير مافيه مرض الا موجود عنده الله يشفيه وبصراحة ماودي أدخل الحريم لأنهم شماتات وكلنا نعرف مجالس الحريم
ارجو وكم نصيحه وكأنكم بمكاني