أحتاجك ياأمي

مر عيد الأم الأول وتلاه الثاني .. ومرت سنيني وما حسيت فيها ...
ما كنت احسب ان الزمان مر في غفلة .. وضاعت سنيني وانا ما دريت عنها وكنت احسب اني مفارق وبنسى .. ما دريت اني فجأة وبصحى .. والاقي الدمع ما جف من عيني ...
ياليت اني حسبت حساب وما جافتني الدنيا ...
ياليت ان الزمن يرجع واصحح غلطتي المّره ...
ياليت اني لجل بكرة أصحي فيني الغفوة ...
نعم أخطيت في حقك وراجع لك وبتأسف .. لكن للآسف عبرة اذا كان في وقته
وش ينفع ندم يومي على أمسي وماضيا....
وش ينفع صدى صوتي بعد ما خنفتني العبره ...
ياليت اني اشوفك في حياتي انسان .. ابي اوصفلك احساسي .. ابي ابكي على صدرك .. ابي يدٍ تمشيني وتاخذ عني اعبائي ...
ابيك الدنيا الي ما تختفي عني وابيك الحلم الي ما اصحى أبد منه ..
حلاتك لاتزوريني في منامي أحلى من واقع .. حلاتك لامسحتي عني ضيم الوقت وسنينه...
وينك عني يايمه .. تعالي شوفي وش حالي !
انا آسف قبلتيها ..؟ انا ادري انك سمعتيها
انا اخطيت في حقك .. وراجع لك وبتأسف ...
(اللهم اغفر لوالدتي وارحمها وادخلها فسيح جناتك واجمعني بها في الفردوس الأعلى) ..آمين


الجرح الصامت